Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Ansu Fati’an Barca tan record thar dang a siam leh

Kan hriat angin Kar hmasa lam khan FC barcelona rawlthar Ansu Fati chuan Barcelona tan a game hmasa ber a khel a, Barcelona history-ah inlan thei naupang ber dawttu a ni.

Irinni khan FC Barcelona chuan Osasuna an hmachawn a, 2-2 in an indraw, Ansu Fati chuan goal khat a khung ve a ni.

He game an khelh takah khan Lionel Messi, Luis Suarez leh Ousmane Dembele te chu hliam an neih vangin an inlan thei lova, Ansu Fati pawh squad-ah telh a ni.

Ansu Fati hi second half ah lutin Nelson Semedo a thlak a ni. Hetih lai hian Osasuna chuan 1-0 in hma an hruai mek. A luh atanga rei vak lovah Ansu Fati chuan Barcelona tan a lu hmangin goal a khung a ni.

Ansu Fati hi Barcelona senior team tana goal khung thei naupang ber a ni nghe nghe. Kum 16 leh ni 304 a nih hin Barca tan goal a khung thei a ni. La Liga history-ah goal khung thei naupang ber pathumna a ni. A chungah Fabrice Olinga (16 years and 98 days) leh Iker Muniain (16 years and 289 day) te an awm.

Barca tana goal khung thei naupang zual T0p 5 te kan rawn tarlang e.

5. Munir El Haddadi – Kum 16 leh ni 358 a nih hin goal a khung.

Thiago Alcantara – Kum 18 leh ni 315 a nih in a khung.

3. Lionel Messi – Kum 17 leh ni 312 a nihin goal a khung.

2. Bojan Krkic – kum 17 leh ni 53 a nihin goal a khung.

1. Ansu Fati – Kum 16 leh ni 304 a nihin goal a khung thei.

Huapzau

Next Post

Barcelona tuanbia thar sertu kum 16 asimi Ansu Fati

Sun Sep 1 , 2019
Kan thei bantukin zarh hmasa lei ah khan FC Barcelona star thar Ansu Fati cu Barcelona caah a puai hmasa bik a rak chuih i, Barcelona tuanbia ah puai chuih kho ngakchia bik pahnihnak asi. Nirukni (Saturday) ah khan FC […]