Bundesliga top scorer Luka Jovic leh Barcelona te an inrem (FAZ)

FC Barcelona chuan striker la naupang tak Luka Jovic chu nipui transfer a lakluh ngei tum in transfer chungchanga inbiakna pawh kalpui tawh a ni.

Barcelona leh Serbian striker Luka Jovic te chu mimal inremna an neih tawh thu Frankfurter Allgemeine chanchinbu chuan a tarlang. Chanchinbu tarlan dan in Barcelona lam chuan a player biak phawt a, chumi hnuah club nena inremsiam pui an tum.He kalphung hi Ajax rawlthar Frenkie De Jong transfer ah pawh khan hman a ni.

Luka Jovic duh tu zingah Real Madrid pawh an tel niin thuthang a awm. Tun dinhmun ah erawh player hian Barcelona lama kal a duh zawk niin a lang. Jovic hian season thara champions league khelh ngei a tum thu a sawichhuak.

Jovic hian tun season kal mekah goal 14 khung tawh in Bundesliga a top scorer a ni mek. Nikum khan Benfica atangin loan in Frankfurt a zawm a ni.German club hian a nghet a lakluh tum in tan la mahse Barcelona an lo lan tak avangin an tan a ngheta lakluh chu thil harsa tak a ni tawh ang.