C Ronaldo aiin Messi’an Ballon d’Or a dawng hnem zawk hi a thinrim thlak hle

Juventus manager Maurizio Sarri chuan Cristiano Ronaldo’an Ballon d’Or vawi 6-na a dawn theihna tur hi a ngaihtuah hmasak tur a nih thu a sawi. Kan hriat angin Cristiano Ronaldo elpui ber Lionel Messi chuan Ballon d’Or vawi 6 lai a dawng tling tawh a ni.

Lionel Messi leh Cristiano Ronaldo te hian Ballon d’Or hnuhnung vawi 12 atangin vawi 11 lai an dawng tawh a, Cristiano Ronaldo’an 5 a dawn laiin, Lionel Messi erawhin vawi 6 lai a dawng thung.

Kum 2018 khan Luka Modric chuan a vawikhatna ni turin Ballon d’Or a dawng ve bawk. Mahse, kum 2019-ah erawh Lionel Messi’an a dawng leh.

Bianconeri boss Sarri chuan a players C Ronaldo aia Ballon d’Or dawng tam zawktu an awm chu a thinrim thlak niin a sawi a, Cristiano Ronaldo’an Ballon d’Or vawi 6-na a dawn theihna tur hi a ngaihtuah hmasak ber tur a nih thu a sawi bawk.

“Cristiano Ronaldo’an Ballon d’Or vawi 6 a dawn theihna turin puih ka duh tak zet, tu emaw amah aia Ballon d’Or dawng hnem zawk an awm hi chu a thinrim thlak hle” tiin Sarri’an a sawi niin Football Italia chuan an tarlang.

“Hmalam hunah Dybala pawh hian Ballon d’Or a beisei thei ang, kum lo awm leh zel turah dawn theihna huntha a nei a ni” tiin a sawi bawk.

Cristiano Ronaldo hian tun season kal mekah Juventus tan all competions-ah matchs 23 a khel tawh a, goals 16 lai a khung tling tawh a ni.

Next Post

OD vanga thi tep Demi Lovato chu Grammy Awards Ah A Perform Dawn

Thu Jan 16 , 2020
Kum 2018 a OD vanga a thih ṭep hnu ah a vawikhatna atan Demi Lovato […]