C. Ronaldo hnung zuiin Italy lamah James?

Bayern Munich star James Rodriguez puzawn (father-in-law) chuan Colombian International hian a teammate hlui Cristiano Ronaldo hnung zuiin Italy lamah a kal dawn tiin a sawi. James puzawn hian Serie A lama a khelh duhna a sawi bawk.

2014 FIFA World Cup Golden Boot winner James Rodriguez’an Bayern Munich lama contract a neih chu a hmang zo tep tawh a ni. James hi kum 2017 July thla khan Real Madrid atangin Bayern Munich lamah loan kum 2 hmangin khel a ni.

Bayern Munich lam chuan (€42 million fee) in awm ngheh tir an duh a, mahse Munich coach Niko Kovac-a thu thu a ni ang tiin Club President Uli Hoeness chuan a sawi.

Engpawhnise, James Rodriguez puzawn Hernan Ospina chuan Los Blancos lama a coach hlui Ancelotti enkawl mek Napoli lamah khel a duh niin a sawi.

“James Rodriguez hi Italy lamah khelh a duh hle, Napoli club ah ngei a duh” tiin James puzawn Hernan Ospina chuan Radio Kiss Napoli a hrilh.

“Ka fanu Daniela min hrilh dan chuan James leh Ancelotti te inlaichinna hi a tha hle, an inhmu leh thei a, an thawk dun leh thei a nih chuan a hlim hle ang”

“Engtikniah emaw chuan Italy lama khelh hi a duh ka ring reng a ni, club lian Napoli angah a duh ka ring. Colombian players zawng zawng te hian Serie A lama experience neih an duh vek” tiin a sawi bawk.

Attacking midfielder James Rodriguez hian Real Madrid lamah kum 2 daih contract a la nei a, Bayern Munich lama loan a neih chu a zo hnai tawh a, Real Madrid lamah let leh tur ang pawhin an sawi.

Huapzau

Next Post

Kim Kardashian-i leh a chhungkua: (Picture Exclusive)

Thu Apr 11 , 2019
Kim Kardashian chu Hidden Hills, Califoni-ah Vogue te chuan 73 Questions interview an neih pui a, a pasal Kanye leh a fate pawh a lan tir ve: A hnuaiah hian an thlalak thenkhat ka rawn tarlang e, en an nuam […]

ads