Cary Cahill hi a khawngaihthlak hle mai!

Chelsea defender Cary Cahill chuan Maurizio Sarri chu zahder har a tih thu a sawi.

Chelsea captain Cary Cahill hi Chelsea-ah kum 7 chhung teh meuh mai a awm a, Chelsea chu Premiere League titles 2 a lak pui mai bakah Champions League vawikhat a lak pui bawk a ni. Mahse, tunah meuh zawng chhuah a tum hnai niin a sawi. Chelsea lama contract a neih hi June thla hian a zo dawn a ni.

Sarri’an Chelsea a enkawl hnuah kum 33 mi Cary Cahill hian Premiere League match chu minutes 21 chauh a la khel a, all competions-ah Chelsea tan game 7-ah chauh a inlan a ni.

“Ka tan chuan thil rapthlak tak a ni” tiin Cary Cahill chuan The Telegraph a hrilh. “Chelsea ka chhuahsan hunah ka lu atang hian nuai bo a ni ang. Ka hriat tur hnuhnung ber chu nikum FA Cup Final kha a ni” tiin a sawi bawk.

“Tawrh a harsa hle, regular takin Season 6 kal ta kha ka khel thin a, Chelsea tan hnehna tamtak ka lo chang tawh. Thutna atanga Chelsea khelh en hi ka beisei lo zawng tak a ni”

“Club zawng zawng thawh ho dan ka hria, Players leh staff te nen pawh kan inlaichinna a tha hle. Mahse, tunah chuan a hman tlak tawh lo a ni”

“Game 2, 3, 4 i khel lova, a chhan i hre lo. Mahse, game 8, 9 i khel tawh lova, a chhan i zawt a, mahse, manager in eng thil mah a ti lo”

Cary Cahill chuan Sarri chu zahder har a ti hle a, amah pawh zah lo tu chu zah a phu bik lo tiin a sawi. Cary Cahill hi January transfer lai khan Loan hmanga a chhuah rin a ni, mahse a chhuak lo.

“Tih chhiat theih loh ka nih zia ka hria a, taima takin nitin ka training thin”

“Club-a awm zawng zawng te ka zah hle, players leh Staff te chance min petu te pawh ka zah hle. Mahse, tunah chuan ka tana tha tur kawng ka zawn ve a ngai tawh a ni.”

“Mi te chuan tun season zawh rual hian Cary Cahill pawh a chhuak dawn tiin an ngaihtuah, Mahse, hei hi ka ngaihtuah dan a ni lova, 100 percent in kum 3 emaw kum 4 vel chu hetah hian ka khelh rih hi ka ring thin.”

“Tunah chuan Club chhuahsan turin ka inring tawh a, min puih nasa em em tu players, staff leh fans te hnenah lawmthu ka sawi a ni. Inchhuang takin ka kal ang” tiin Cary Cahill chuan Chelsea chhuahsan turin a rin tawh thu a sawi.

Huapzau

Next Post

Pogba hi ka duh hle- Barcelona Vice President

Sun May 5 , 2019
FC Barcelona vice-president Jordi Mestre chuan Manchester United midfielder Paul Pogba a duh thua sawi a, Premiere League star dang pahnih pawh a sawi. Nikum daih tawh atang khan Paul Pogba hia Barcelona leh Real Madrid nena sawi zawm a […]

ads