Chelsea leh Man Utd te’n Coutinho lakluh an duh (Mail)

Premier League club lian pahnih Manchester United leh Chelsea te chuan Barcelona player Phillipe Coutinho lakluh an tum tur thu Mail newspaper in a tarlang.

Coutinho hian Barcelona chu nikum January thla khan zawm in Barcelona players lakluh tawh zawng zawng te zinga to ber a ni nghe nghe. A manah Barca chuan pound 145 million an inseng anih kha!

A lakah beiseina sang tak nei mahse Coutinho a che tha hleithei lova, Nou Camp ah hun harsa tak a tawk mek. A khelhdan ah manager a lungawi loh avangin vawi tam tak bench a luah lum fo.

Kum 26 a upa Coutinho chungchang club dang in an hriat rual in EPL club lian pahnih Man Utd leh Chelsea te chuan Coutinho an thlithlai nghal. EPL a tawn hriat nei tha Coutinho lokir leh pawh nise a buai a rinawm lo.

Coutinho hian tun season kal mek ah Barcelona tan goal 8 chauh la khung in Liverpool a a khelh lai ang a pha lo deuh. Coutinho erawh in theihtawp chhuah a bei zel a duh thu leh Nou Camp a la cham a duh thu Report in a tarlang.