Chelsea players ten Hazard hi a chhuak ang tih kan hlau- Emerson

Hunrei tak tawh atang khan Real Madrid leh Chelsea superstar Eden Hazard chu sawi zawm a ni. Tun season a zawh rual hian Real Madrid lamah kal mai thei dinhmunah a ding mek a ni. Chelsea left defender Emerson Palmieri chuan Hazard hi Chelsea players ten a chhuah kan hlau tiin a sawi.

Tun season chu Belgium International Hazard hi Chelsea tan a che tha ang hle a, Goals 13 a thun tlin mai bakah assist vawi 11 lai a nei tling a ni.

Kan hriat angin Eden Hazar leh Real Madrid te hi Zidane’an Real Madrid a enkawl hmasak zawk atang khan sawi zawm an lo ni tawh a ni.

Eden Hazard chuan Chelsea Boss Maurizio Sarri khelh dan chu a fak hle a, hetih lai hian Real Madrid tana khelh a duh thu a sawi ve bawk. CHelsea defender Emerson Palmieri chuan Eden Hazard hi Stamford Bridge-ah a la awm rih ngei a ring a ni.

“Player pawimawh a nih zia nitinin a ti lang thin” Chelsea left-back Emerson chuan Sky Sports a hrilh.

“Kan team-ah hian players quality tha tak tak an awm tih hi thil chiang sa a ni, mahse, Eden Hazard erawh hi chu level dangah a awm a, khawvel players tha ber pakhat a ni”

“A Mimal zawng tak pawhin a chhuah lai hi ka hmu thei lo, Mahse, Football hi chu hriat lawk theih loh. Chelsea fans ang thoin a chhuah hi kan hlau. Chelsea-ah hian a la awm rih ang tih hi ka ring tlat a, a la awm rih hi kan duh tak zet a ni” tiin a sawi bawk.