Cristiano Ronaldo 53, Lionel Messi 51

Kan hriat angin Cristiano Ronaldo chuan Portugal tana a hattrick vawi 7 na a siam a, hun rei tak a lo elpui thin Lionel messi laka a record neih sa chu a khum leh a ni.

Portugal captain Cristiano Ronaldo chuan a ram Portugal chu Nations League final a luh pui a, Portugal hian Switzerland chu 3-1 laiin an hneh a, Portugal tana goals 3 khung tu hi Cristiano Ronaldo a ni. Cristiano Ronaldo hi Man of The Match tana thlan tlin a ni bawk.

Cristiano Roanaldo hian Portugal tan hattrick vawi 7 a siam tawh a, a career-ah hattrick vawi 53 a siam tawh bawk, Lionel Messi hian a career ah hattrick vawi 51 a siam ve bawk.

Ronaldo hian Laliga ah hattrick vawi 34 asiam a, UEFA champions league ah vawi 7, Copa Del Rey ah vawi 2, FIFA Club world Cup ah vawi 1 a siam bawk. Hei hi Real madrid a awm chhunga Hatrick a siam zawng zawng a ni. Manchester United tan vawi 1, Juventus tan vawi 1 Portugal tan vawi 7 asiam tling bawk.

Barcelona superstar Lionel Messi hian LaLiga bikah hattrick vawi 33 lai a siam tling a, Champions League ah vawi 8, Copa Del rey ah vawi 3, Spanish Super Cup ah vawi 1, Argentina tan vawi 6 asiam tling bawk.