Cristiano Ronaldo hi Lionel Messi aiin a selfish zawk- United chairman hlui

Manchester United chairman hlui Martin Edwards chuan Juventus superstar Cristiano Ronaldo hi Barcelona superstar Lionel Messi aiin a selfish zawk tiin a sawi.

Lionel Messi leh Cristiano Ronaldo te hi nizan UCL quarter final first leg-ah khan an team tan an khel ve ve a, Juventus in Ajax an hmachhawn a, Barcelona in Manchester United an hmachhawn bawk. Barcelona in hnehna an chan laiin, Juventus erawh chuan an elpui te an draw pui a ni.

Mahse, Cristiano ROnaldo’an goal a khung laiin Lionel Messi erawh chuan a khung lo a ni. Team pahnih te hian second leg khelh tur an la nei a, an dinhmun a la chiang thei bik lo a ni.

Manchester United chairman hlui Edwards chuan C.Ronaldo a hmuh hmasak ber chungchang a sawi a, kha tih hunlai khan teenager a nih thu a sawi. Cristiano Ronaldo chuan a thiam zia a ti lang nasa hle tiin a sawi bawk.

“Kum 18 a nih lai kha ka hmuhsak berna a ni, August thla a nia, Bolton a hmachhawn nghe nghe. Ball hmanga mi bum a thiam hle a, amah chu ka lawm hle, hetiang ang em em hian a thangcho ang tih pawh kan ring lo, Ferguson pawh khan a ring bik lo” tiin Edward chuan La Gazzetta dello Sport a hrilh.

United chairman hlui Edward hnenah Ronaldo leh Messi chungchang an zawt a, Edward chuan Messi hi team man a ni tiin a sawi.

“Messi leh Ronaldo khaikhin maw? Argentine hi team-man a ni, a hlim lai ber pawhin hriat tlak/ hmuh theih a ni. Cristiano Ronaldo chu a selfish hle. Goal a khung pawhin amah chauhin a lawm thin a, midang te chu amah lam panin an tlan thin” tiin Cristiano ROnaldo selfish na a sawifiah.