Cristiano Ronaldo thlentu ka si timi hi ka ruat bal lo

Real Madrid player Vinicius Junior nih cun Real Madrid caah kawl khumh tam bik thlentu asi ruang ah pressure zeihmanh a um lo tiah a chim.

Kan thei bantukin Cristiano Ronaldo cu kum 9 reng lo Real Madrid caah a chuih i, Aluancia season ah khan Real Madrid a chuahtak i, Serie A club ngan Juvnetus lei ah aa tthial.

Cristiano Ronaldo nih Real Madrid a chuahtak hnu ah Real Madrid cu an cawlcangh ning a chia kho taktak, manager zong an thlen tam ngai. Zidane nih Real Madrid a chuahtak hnuah Spain coach tthing asimi Julen Lopetegui nih cun Real Madrid cu a zohkhenh colh.

Real Madrid lei nih Julen Lopetegui cu caan tlawmpal an ttuan ter hnu ah an chuahter tthan, Argentine Santigo Solari cu coach caah an lak tthan. Thla tlawmpal Real Madrid a zohkhenh tthan hnu ah an chuahter tthan. Zidane cu coach caah an lak tthan.

Real Madrid lei i Zidane a kir tthan hnu ah cun, Real Madrid cu zuamnak dangdang ah an rak tla cang, Champions League le Copa Del Rey an an tla i, La Liga zong ah ruahchannak an ngei ti lo.

Vinicius hi Cristiano Ronaldo nih Real Madrid a chuahtak hnuah Real lei ah a rak lut colh ve, puai 31 a chuihmi chungin kawl 4 lawng a khumh kho.

“Ronaldo cu Ronaldo asi ko, club legend asi i, aho hmanh nih an tuah bal lomi a tuah. Nain, amah thlentu ka si timi kha ka ruah bal lo. Bawlung chuih ka duh i, Real Madrid cu bawmh ka duh” tiah Vinicius Junior nih AS sin ah a chim.

“Ka tawnmi he cun, ka caah cun caan ttha taktak asi, Flamengo caah ka chuih ning a ttha ngai, ka tthancho tuk”

“Thla 3 chung Real Madrid lei ah fak piin ka chuih, ka caah cun a ttha ngai i a bikin vawlei cung club ttha bik Real Madrid i ka chuih khomi zong ah hin kaa lawmh ngai” tian kum 18 asimi Vinicius Junior nih a chim.

Please Like Us OUr Page (Chin Football.com).

Huapzau

Next Post

Selena Gomez-i pawh swimsuit sen nen Mexico ah a nalh hle PICTURE EXCLUSIVE

Tue Jul 2 , 2019
Selena Gomez chuan swimsuit sen nen a a thlalak chu Instagram lamah a post a a nalh leh hle. Kum 26 mi Selena Gomez i hian Zirtawpni khan Instagram lamah a thlalak nalh tak tak chu a post hlawm a, […]

ads