Engvangin nge Real Madrid ka chhuahsan- Zidane fapa

Real Madrid coach Zinedine Zidane’an a fapa Luca chu Los Blancos  second-choice goalkeeper tan a siam rin a nih laiin, kum 21 mi  chuan a pa chu tun kar chhung khan a chhuahsan a, a chhuahsan chhan Luca chuan a sawifiah.

Luca chuan Racing Santander chu kum khat chhung atan loan in Thawhlehni khan a zawm a ni. Luca hi a awmna club lamah first choice goalkeeper atan ruat a nih hmel hle.

Ningani (Thursday) khan Santiago Bernabeu a chhuahsan chhan a sawifiah.

“Real Madrid leh Madrid khawpui chhuahsan hi ka tan chuan a tha ber dawn a ni” tiin Luca chuan a sawi niin Marca in a tarlang.

“Team thar hriat nan leh khawpui thar hriat nan hrim hrim pawh a tha dawn hle”

“Duhthlan tur (offer) tamtak a awm a, mahse, a pawimawh ber leh ka duh ber chu Racing Santander hi a ni”

“He club hriat reng tlakah hian hmasawn chho zel ka duh, ka hlim theih loh pawhin lawmna tamtak a awm ka ring.”

Real Madrid lam hian goalkeeper an nei tha hle rih a, Keylor Navas pawh hi 2019/20 season thleng la cham a tum rih hmel a, amah back up thei turin Andriy Lunin pawh a la awm cheu a ni.

Luca hi Zinedine Zidane fapa Real Madrid chhuahsan pahnihna a ni, a nau zawk Enzo Zidane’an kum 2017 khan Real madrid a lo chhuahsan ve tawh bawk a ni.

Huapzau

Next Post

Zei ruang ah dah Real Madrid ka chuah tak- Zidane Fapa

Fri Jul 12 , 2019
Real Madrid coach Zinedine Zidane nih a fapa Luca Zidane cu Real Madrid second-choice goalkeeper ah a hmang lai timi cu mi tampi zumh ning asi. Nain, Kum 21 asimi Luca Zidane nih cun a pa tu zarh chungah khan […]

ads