Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Engvangin nge Real Madrid ka hnawl – Fabregas

Arsenal, FC Barcelona leh Chelsea star hlui Cesc Fabregas chuan a tleirawl deuh lai a Real Madrid a hnawl chhan a sawi.

  • Fabregas hi La Masia academy atang a chhuak a ni.
  • Kum 16 mi a nih laiin, kum 2003 September thla khan Premiere League club Arsenal FC a zawm.
  • August ni 15, 2011 khan FC Barcelona lamah a kir leh a, Camp Nou ah kum 3 a awm hnuah a chhuahsan leh.
  • 2014 khan Premiere League lamah bawk kir lehin Chelsea lam a pan.
  • A tleirawl deuh lai a Real Madrid a hnawl chhan a sawi.

Chelsea star hlui Cesc Fabregas hi tunah hian France club Monaco tan a khel mek a, midfielder hlawhtling ber pakhat a ni nghe nghe. Kum 16 mi lek a nih laiin Gunners a zawm a, 2011 a Barca a zawm hma kha chuan Arsenal tan player ropui tak pakhat a lo ni thin.

Kha tih hun lai vel khan Fabregas hi La Liga club ropui Real Madrid lamin an duh thu a sawi a, vawi khat ai tam a lo hnawl thu a sawi.

“Real Madrid lam hian vawi khat ai tam min bia a ni” tiin Fabregas chuan AS a hrilh.

“A vawi khatnaah chuan ka la naupang hle, kum 18 mi ka ni a, hlawh tha tak pek min huam. Mahse, Arsenal lamah awm zel tuah ka inngai.”

“Arsene Wenger khan min ring hle a, ka chhuahsan thei lo, kawng dang leh ah chuan Real Madrid lamin min treat dan kha a lawmawm hle.”

“Kum 23 ka nih lai khan ka chawnah hliam na tak ka nei a, Real lamin message thlum tak min thawn a ni. Min duhna avangin a lawmawm hle, mahse, Barca tana khelh kha ka dream ber a ni.” tiin Fabregas chuan a sawi bawk.

Arsenal tan matchs 306 a khel a, Barcelona tan matchs 151, Chelsea tan 198 a khel bawk a ni. Chelsea lamin Fabregas hi kum 2014 khan an la lut.

Huapzau

Next Post

Jose Mourinho'an United a enkawl lai khan, Van Dijk aiin Defender pahnih a thlang zawk.

Thu Sep 5 , 2019
Chelsea boss hlui Jose Mourinho’an Man Utd a enkawl lai khan tun a Liverpool defender ni ta Virgil van Dijk aiin defenders pahnih a thlang zawk niin Daily Mail chuan an tarlang. Kum 2018 January thla khan Virgil van Dijk […]