Engvangin nge Rodrygo khan Liverpool zawm lovin Real a zawm

Brazilian rawlthar Rodrygo hi kar hmasa lam khan Real Madrid tan a che tha ang reng hle. Rodrygo’an Real Madrid a zawm hma khan Premiere Leaugue club Liverpool a zawm teuh hle niin an sawi a, Liverpool zawm lova Real Madrid a zawm chhan an sawi.

Kum 18 mi Rodrygo chuan tun summer transfer tirh khan Santos atangin Real Madrid lam chuan an la lut a, €45 million man lai a ni. Real Madrid tan game 6 a khelh tawh atangin goals 5 lai a khung tling tawh bawk.

Nilai zan a Galatasaray nen an khelh tum khan hattrick a siam a, UEFA Champions League bikah game khat a goals 3 khung thei players naupang ber pahnihna a ni nghe nghe. Champions League game khat a goals 3 khung thei naupang ber chu Real Madrid legend Raul hi a ni.

Santos manager tana ruat lawk ni thin Elano chuan Real Madrid in an lak hma deuh lawk khan English club Liverpool in Rodrygo an lak teuh thu leh a chhan a sawi.

“Liverpool lamin an player tur atan an duh hle a, categories hniam a a awm lai pawhin an duh hle, amah ngei pawhin Liverpool pan chu a duh, mahse, an offer kha a tlem mah mah” tiin Elano chuan ESPN a hrilh.

“Real Madrid lam atangin offer a lo kal a, club nen kan inbiaknaah, he rawlthar hi a tha zel dawn tih ka hria a, amah nen a thawh dun hi ka duh reng a ni” tiin a sawi bawk.

Santos lamah hun a hman chhung khan, game 49 ah a inlan a, goals 10 a khung tling. 2018 kum khan Campeonato Paulista’s Best Newcomer Award a dawng nghe nghe.

Huapzau

Next Post

Pep hi tha ber nih a tum chuan, Messi telloin hnehna chang rawh se

Fri Nov 8 , 2019
Manchester City boss Pep Guardiola chuan kum 2011 khan FC Barcelona chu UEFA Champions League a champion pui a, kha ta tankhan Europe inelna lianah a la hlawhchham zel rih a ni. Coach tha tak nih […]