Engvangin nge Zidane’an Ramos-a a biak nghal?

Kan hriat angin Real Madrid chuan an coach hlui Zinedine Zidane chu an coach ni leh turin an la lut leh a, Real Madrid Champion League nomawi vawi 3 lai mai lo chawi puitu Zidane chuan Real Madrid skipper Sergio Ramos chu a ko/bia niin media te chuan an sawi a, a koh chhan an sawi tel bawk.

1998 Fifa World Cup Winner Zidane hi 2018/19 season chhungah Real Madrid coach pathumna a ni a, Real Madrid hian tun season chhung ringawtah Julen Lopetegui leh Santiago Solari te an lo ban tawh a ni.

Tun season kal mekah Real Madrid hi an che chhe em em a, kar khat chhungah Copa del Rey leh UEFA Champions League atangin an tla a ni. Real Madrid coach atan ZIdane ruat a nih khan Real Captain Sergio Ramos chu a be nghal niin an sawi.

Real Madrid captain Sergio Ramos chuan Real Madrid in Chelsea player leh Jose Mourinho an lak chuan Real chhuahsan a tum vang niin a sawi.

Zidane hian Ramos-a hlutna a hria a, Real Madrid atanga a chhuah a duh lo niin an sawi a, Real Manager tana ruat a nih rual khan Ramos hi a be nghal a ni.

Ramos hian Kum 2005 khan Sevilla atangin Real Madrid a zawm a, Real Madrid tan games 600 ai tamah a inlan tawh a ni. Real Madrid tan goals 84 lai mai a thun tling tawh bawk a ni.