Fernandinho in England a midfielder tha ber a ni: Souness

Liverpool legend Souness chuan Manchester City leh Brazilian defensive midfielder Fernandinho chu EPL a midfielder tha ber a nih thu a sawichhuak.

Graeme Souness chuan Fernandinho chungchang a sawichhuah thu ah engmah inrinhlelhna a neih loh thu a sawi tel bawk.

Nizan a Man City in 2-1 a Liverpool an hneh tum in Fernandinho a khel tha leh kher mai! Team chakna hnar pakhat a ni kan ti lo theilo. A team chu hnehna chanpuiin, 2018-19 EPL nomawi chawi turin City in an dinhmun an ti tha chho leh tan ta.

Kum 33 a upa Fernandinho khelh danah Souness a lawm hle, a theihtawp in Fernandinho a fak.

”Nizan inkhel ah khan central back pahnih Stones leh Kompany te an khel tha hle, midfield lamah Bernardo Silva a taima em em bawk.Ka sawi hmaih loh tur pahkhat  chu Fernandinho ani, a khel tha tak zet. Kei chuan Fernandinho hi tun dinhmun ah chuan EPL midfielder tha ber a ni tih awlsam takin ka sawi ngam” tiin Souness an a sawichhuak.

”Fernandinho hian hna tam tak a thawk a, team innghahna a ni. A chak tha in ball a keng thei em em bawk, tin forward mamawh ball tha tak tak in a semchhuak ziah thei, a defending a tha in a tackle hlawhtling zel thei bawk” tiin a sawi chhunzawm bawk.

Next Post

Barcelona in Koulibaly lakluh nan €120m thehchhuak ngam (II Mattino)

Fri Jan 4 , 2019
Italy a Reports in a tarlan dan chuan Laliga champion FC Barcelona chuan Napoli defender […]