FIFA chuan 2022 World Cup ah Vuvuzelas a khap

FIFA chuan 2022 World Cup lo awm turah Vuvuzelas a khap tawh tih an confirm tawh niin SL chuan a tarlang. Vuvuzelas hi kum 2010 FIFA World Cup lai khan an hmang uar hle a, mahse, fak pawl leh sawi chhe pawl a inzat ang reng hle, mahse, 2022 FIFA World Cup-ah erawh chuan an khap dawn.

Vawiin khan FIFA chuan social media lamah video minutes 2 clip an post a, ‘Prohibited Items’ tiina heading ah an hmang. Hei hi 2022 FIFA World Cup a hman tur niin an tarlang.

FIFA hian hriamhrei leh puak thei thil chi reng reng an khap vek a, zu leh thil dang chhiatna thlen tir thei pawh an khap nual a, Vuvuzelas pawh an khap tel thu an tarlang bawk. Vuvuzelas hi 120 cm aia sei a ni.

Vuvuzelas hi kum 2010 FIFA World Cup South Africa an neih atang khan a rawn lar chho tan a, a bengchheng ang hle. 2018 FIFA World Cup lai khan Morocco leh Iran fans ten an hmang a, heta tang hian sawisel a hlawh nasa hle a, complaint a tam ang reng hle niin thuneitu te chuan an sawi. Mahse, 2022 FIFA World Cup-ah erawh an hmang tawh dawn lo a ni.

Next Post

Lionel Messi leh a nupui Antonella pawh Ballon d'Or semna tur hmun France an pan tawh e

Mon Dec 2 , 2019
FC Barcelona superstar Lionel Messi chu Ballon d’Or dawn inring tak chungin France lam a […]