Hazard’an Sarri a fak, a hmalam hun chungchang a sawi tel bawk:

Chelsea superstar Eden Hazard chuan an coach Maurizio Sarri chu a fak hle a ni.

West Ham nen an inkhelh tum khan Eden Hazard chuan goals 2 lai a khung a, kha a goal khung te kha tun season kal mekah Premiere League goals 16 a neihna chiah a ni.

EdenHazard - cropped

Tun seson kal mekah Premiere League matchs 5 khelh tur an la nei a, tun Sunday lo awm turah Chelsea hian Premiere League table-a pakhatna ni mek Liverpool an tlawh dawn a ni.

“Statistically chuan tun season hi ka tan chuan season tha tak a ni. A chhan ka sawi duh chu Sarri Football ngaihtuah dan leh ka ngaihtuah dan a inang a ni.” tiin Hazard chuan BBC Football a hrilh.

Kan hriat angin Sarri’an Chelsea a zawm atangin a che tha hle tih tur a awm lova, a che chhe hle tih tur a awm lo niin a lang.

“A chang chuan kan chak lova, mahse, a tawpah chuan Sarri khelh duh dan hi Chelsea khelh dan tura ka duh a ni.”

“Sarri hi manager tha tak a ni, Conte zawha thawh hi a awlsam lo hle ang”

“Helai hmuna a lo kal khan, amah duhdan (idea) hmangin football kan khel thin a, kan ti tha hle niin ka hria. A duh dan a football khelh hi a ho lo hle a, tunah chuan a duh dan kan hrethiam tawh niin ka hria”

“Kan thawkrim hle, a chhan chu he manager hi Conte nen an inang lo a, Mourinho nen pawh an inang lo a ni”

“Thil zawng zawng thlak nghal hi a awlsam lo hle a, mahse, kar 2 kar 3 liamta vel atang khan kan thlak niin ka hria. Tunah chuan tha taka season tawp khar hi kan duh ber a ni” tiin Hazard chuan a sawi.

Hazard hi Real Madrid lama insawn tur angin thuthang a tam leh hle a, Interview naah pawh Real Boss Zidane hnuaia khelh a chak thu leh a duh thu a lo sawi tawh a ni. An zawh leh naah chuan Hazard chuan ti hian a chhang:

“Tunah chuan kha lam hawi zawng kha ka sawi dawn lo a ni, Thla tawp lam leh Chelsea-ah chauh ka rilru ka pe rih a, chumi hnuah chuan eng thil nge thleng dawn” tiin transfer chungchang Hazard chuan a sawi.

Hazard hian Chelsea-ah 2020 kum thleng contract a la nei a ni.