Ka tan aiin Messi tan Copa America chawi ka duh zawk

Manchester City Striker Sergio Aguero chuan Copa America 2019 chungchang sawiin, Agentina chu Copa America chawi pui ngei a duh thu a sawi a, mahse, amah ai mahin Lionel Messi tan a duh zawk thu a sawi.

Kan hriat angin FC Barcelona superstar Lionel Messi chuan a ram Agentina chu cup pawimawh a chawi pui loh avangin sawisel a hlawh nasa hle a, mahse, Argentina tana goal khung hnem ber a ni.

Messi hian Argentina chu major final vawi 4 lai ah a tlawm pui tawh a, 2014 FIFA World Cup pawh a tel nghe nghe. Mahse, Messi hian Argentina jersey ngei a trophy chawi chu a dream a la ni reng.

Manchester City superstar Sergio Aguero chuan a thiante leh a khelh puite chu a goal hmang ngei a an duhthusam ram chu thlen pui ngei a duhthu a sawi a, a bik takin kum 32 mi Lionel Messi dream hlawhtling turin a theih ang tawka a beih tur thu a sawi tel bawk.

“Keimah tan ai mahin Lionel Messi tan hian champion ka duh a ni” tiin Sergio Aguero chuan Fox Sport Argentina¬†a hrilh.

“Engtikniah emaw chuan a hlawhtlin ngei ka beisei, a dream a nia, mi zawng zawng dream a ni. A dinhmun a ding angin ka indah ang a, Copa America nomawi chawi ngei turin kan theihna zawng zawngin beih ka tum ang.”

“Hun rei tak chu helai hmunah a lo kal a, a na tawh, keipawh ka na a ni”

“Eng nge a tih theih tih chu kan hria, kan vaiin kan inbuatsaih anga, hlawhchham tur ni lovin” tiin Sergio Aguero chuan a sawi bawk.