Kum 30 chhunga United chet chhiat ber tum a ni

  • Kan hriat angin Manchester United chuan Old Traford-ah Aston Villa lo mikhualin points khat chauh an hlawhchhuak thei.
  • 1988-89, kum 30 kalta atang khan Premiere League bikah an chet chhiat ber tum a ni.
  • League table-ah 9 dinhmun hauh mahsela, Ole a lungphang lo.
  • Premiere League season khelh mekah United chuan matches 14 an khel tawh a, points 18 hmuin table 9 naah an awm mek.

Manchester United boss Ole Gunnar Solskjaer isn't yet worried about their league position

Nizan khan Manchester United chuan an home (Old Traford) ah Aston Villa an mikhual a, 2-2 in an indraw, United leh Villa te hian points khat ve ve an hlawhchhuak. Mahse, Manchester United boss Ole Gunnar Solskjaer erawh league position avangin a intilungngai duh lo niin Mail Online chuan a tarlang.

Tun Premiere League khelh mekah United chuan khelh 14 atangin points 18 an hmu a, table 9 naah an awm mek. Nilaizan (zanlai) ah Jose Mourinho enkawl Tottenham nen an khel leh dawn a ni. Solsjkjaer hian a zawnin vawi 3 tal hnehna a chan ngei ngei a ngai dawn a, mahse, an hmachhawn tur ho hi, Spurs, Manchester City leh Everton te an ni. Hriat angin nikum tun ang thla velah United chuan Mourinho an ban a nih kha.

United are in ninth place in the Premier League and have taken just 18 points from 14 games

“League table a kan dinhmun hi tunah hian a pawimawh ber kher lo, a chhan chu, kan inhlat lo hlawm em avangin” tiin Solskjaer chuan a sawi.

“Game 3 emaw game 4 vel talah hnehna ka chan ngei ngei a ngai dawn a ni”

“Tuna ka sawi theih awm chhun chu kan games khelh tam zawkah khan hma kan hruai hle a, mahse, khang game-ah te khan hnehna kan chang thei lo a ni. Vawi 6 emaw vawi 7 vel chu 1-0, 2-1 emaw 3-2 in kan sang fal thin.”

“Khang games en chuan hnehna chang thei tur hi chuan kan tha tawk a ni” tiin a sawi bawk.

Kum 1988-89 hnuah Manchester United chet chhiat ber tum a ni nghe nghe. Kum 30 hnuah a nih chu. Tun Season meuh zawng an che chhe tak zet tih mai lo chu sawi tur a vang.

Next Post

Tokyo lama hun hmang mek Dua Lipa pawh a nalh leh hle mai

Mon Dec 2 , 2019
Mnet Asian Music Awards performance turin Dua Lipa pawh tunah hian Tokyo-ah hun a hmang […]