Kylian Mbappe hi Messi a ni lo- PSG Boss

Paris Saint-Germain boss Thomas Tuchel chuan Kylian Mbappe chungchang sawiin, Kylian Mbappe chu Lionel Messi type a ni lo tiin a sawi.

PSG manager Thomas Tuchel chuan BT Sport a hrilh dan chuan Kylian Mbappe chu player tha tak ni mahsela, Fc Barcelona superstar Lionel Messi type a nih loh thu a sawi bawk.

“Mbappe hi hmasawn duhin a riltam a kum 20 chauh ni mahsela a ropui tawh hle” tiin Thomas Tuchel’an Bt Sport a hrilh.

“Manage a awlsam lo hle, a chhan chu mi ropui chuan kawng awlsam an thlang ngai lo, coach ang pawhin min challenge hle a”

“Ka tan chuan hetiang player ropui hi ka neih ngei a pawimawh a ni, chona thar min pe a, a bul a mi te pawh chona thar a pe thin. A chhan chu Football history-ah players special tak nih tumin a tuihal”

“Kylian hi goal khungtu a ni a, Messi a ni lo. Khawvel goal khungtu tha ber a ni thei, kawng dik a zawh mek. Players dang nena tehkhin hi ka ngaihtuah ngai lo. Mahse, example tha ber chu Ronaldo Nazario hi a ni”. tiin PSG Boss Tuchel chuan a sawi.

Next Post

Kylian Mbappe hi Lionel Messi asi lo- PSG Boss

Wed Mar 6 , 2019
Paris Saint-Germain Boss asimi Thomas Tuchel nih cun Kylian Mbappe kong a chim, Kylian Mbappe […]