Kylian Mbappe nih Real Madrid a hlawtnak a ruang phuan a si

Aluancia kum 2 ah khan France SUperstar Kylian Mbappe nih voi 13 bak UEFA Champions League teinak hmutu Real Madrid nakin Paris Saint-Germain a rak thim deuh tiah an chim i, amah naihtu pakhat nih Real Madrid a thim lonak a ruang bik a phuan tiah SL nih an langhter.

Monaco a um lio in vawleicung player ttha bik a rak si i, mi nih an duh ngaimi pakhat a rak si cang, kum 2017 ah khan Paris Saint-Germain cu a khualtlawnnak ding caah a rak thim.

Atu lio hi Kylian Mbappe cu Real Madrid lei ah aa tthial lai tiah bichokvai a tam ngai, nain, Monaco Vice-President tthing asimi Vadim Vasilyev nih cun Kylian Mbappe nih a hmailei caan a fianter ning le kaa dang i a kal hlan kong a chim.

“Real Madrid i a kal lonak a ruang cu, mah hi a si” tiah Vadim Vasilyev nih a chim.

“Ti hin a ka chimh, Vadim a tuan deuh rih, Parisian minung ka si i, ka ram chuahtak ka duh lo bantuk khi asi. Mah kaa ah hin player lianngan bik si ka duh.”

“Kylian na hmaan, tiah ka leh”

“Teinak hmuh duhmi asi i, taktak lo ah cun amah bantuk players nih cun CHampions League teinak an hmuh awk asi. Paris Saint-Germain caah UCL teinak hmu cu a ttha tuk lai dah”

“Amah thiamthiam kha asi ko, Kylian asi thiamthiam, Cristiano Ronaldo zong ka theihngalh ngai mi asi, records vialte ser kha a duh. Kylian Mbappe zong bantuk hi asi” tiah a chim.

Kylian Mbappe hi atu ah hin kum 20 asi cang i, Ligue 1 ah matches 104 a chuih cang i, kawl 67 le assists voi 31 bak a ngei cang. Monaco le Paris Saint-Germain caah trophies 6 a lak cang.

Huapzau

Next Post

Real Madrid transfer News, 5 an chhuak anga, 5 an lut ang?

Tue Nov 5 , 2019
January transfer window a hnaih zel a, 2019/20 season-ah Real Madrid players thenkhat an che tha a, thenkhat erawh an che chhia a ni. First Team players thenkhatte chu Zidane hian a zuar maithei niin SL […]