Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Lionel Messi: Griezmann ka duh lo anga sawi chu dawt a ni

Transfer window lai khan FC Barcelona chuan Atletico Madrid atangin Antoine Griezmann an la lut a, hemi chungchangah Barcelona captain Lionel Messi’an Griezmann chu a duh lo tiin media tamtakin an ziak. Hemi chungchangah Lionel Messi chuan Griezmann chungchang a sawi.

Nikum lam khan Press Conference-ah Messi chuan Frenchman Griezmann hi Camp Nou lamah a lo lut a nih chuan a lo lawm tur thu a sawi. Mahse, kha tih lai khan Barca chuan la lut lovin, Atletico madrid lamah a cham chhunzawm a ni.

Mahse, tun summer transfer lai khan Neymar pawh Barca lamah kir leh tur angin thuthang a tam hle a, hetih laiin Barca lamin Griezmann an la lut nghal a, Neymar erawh an la lut leh lo a ni. Hei vang pawh hian Messi hi club chungah a lungawi vak lo niin reports in an tarlang.

Spanish publications hrang hrangin Griezmann chungah Lionel Messi hi a hlim lo tak zet tiin an chhuah nasa hle a, mahse, Barca captain Leo Messi chuan hei hi dawt a ni, tiin a phat ve bawk.

Barca-ah Griezmann a lo luh ka duh lo ni anga an sawi kha dawt a ni.” tiin Leo Messi chuan RAC1 a hrilh.

“Nikum lam khan Barca lamah lo luh a duh tawh, kha tih lai khan player tha tak pakhat a ni tiin ka lo sawi tawh. Hnehna chang thei tur chuan player tha hi kan welcome thei reng”

“Griezmann hi player tha tak pakhat a ni, amah nen eng harsatna mah kan nei lo, a kalh zawng pawhin” tiin a sawi bawk.

Antoine Griezmann’an Barcelona tan matches 9 a khelh tawh atangin goals 3 a khung mai bakah assists vawi 2 a nei tling a ni.

This image has an empty alt attribute; its file name is 1570622609_ef622.jpg

Huapzau

Next Post

Lionel Messi: Griezmann ka duh lo tiah an chim mi kha lih asi

Thu Oct 10 , 2019
Transfer window lio ah khan FC barcelona nih Atletico Madrid in Antoine Griezmann cu an cawk, mah kong he pehtlaiin Barcelona captain Lionel Messi nih Griezmann cu a duh lo tiah media tam pi nih an ttial. Mah kong he […]