Lionel Messi’an player hmachhawn harsa a tih ber a sawi

Barcelona superstar Lionel Messi hian a career-ah khawvel defender tha tak tak a lo hmachhawn tawh thin a, Messi chuan chung a hmachhawn tawh zawng zawng zingah chuan hmachhawn harsa a tih ber a sawi chhuak.

Kan hriat angin Lionel Messi hian La Liga-ah Real Madrid defender Sergio Ramos a hmachhawn zing mawlh mawlh hle a, season hmasa lam khan Liverpool defender Virgil van Dijk pawh UEFA Champions League-ah a hmachhawn a nih kha. Messi hian Jerome Boateng pawh a hmachhawn chiang a, Mahse heng defenfer tha tak tak te hi Messi’an hmachhawn harsa a tih zingah an tello a ni.

FC Barcelona superstar Lionel Messi hi kum 32 mi ni tawh mahsela, attacking line-ah a la hlauhawm ang reng hle a, mahse, defender a hmachhawn tawh zawng zawng zinga hmachhawn harsa a tih ber chu Girona defender Pablo Maffeo hi a ni.

“Girona defender Pablo Maffeo hi defender khawng tak a ni” tiin Lionel Messi chuan hmachhawn harsa a tih ber an zawhna a chhang niin DAZN chuan an tarlang.

Girona defender Pablo Maffeo pawh hian Lionel Messi hmachhawn chu harsa a tih thu a sawi ve tho a ni.

Maffeo hi Manchester City youth player hlui niin, season tan tirh khan VfB Stuttgart atangin a club hlui Girona hi a zawm leh a ni.

Next Post

Ronaldo'an Cup Match a khelh loh chhan Juventus lamin an sawi

Thu Jan 16 , 2020
Kan hriat angin Nilaini (Wednesday) khan Juventus chuan Coppa Italia-ah Udinese chu an hneh a, […]