Liverpool in Premiere League record siamtu an nih rual pui

Liverpool chuan Sunday zan khan Aston Villa an hneh leh a, Premiere League titles la thei turin points an hmu sang zel. Hei mai a ni lova Premiere League all time record siamtu an nih rual pui.

Kan hriat angin Pathianni zan khan Jurgen Klopp leh a naute chuan Villa an tlawh a, hun tawp dawn tepah Andrew Robertson leh Sadio Mane ten goal an khung a, points 3 hlu tak an hlawhchhuak a ni.

Premier League 2019/20 season kal mekah Liverpool hi table hmahruaitu niin, an mahni hnaih bertu Manchester City aiin points 6 in an sang tawh a ni. Pathianni lo awm turah Champion lai Manchester City nen an inhmachhawn ang.

Liverpool hian matches 11 an khelh atangin points 31 lai an hmu tling ta a, Liverpool hian record neitu an nih rual pui.

Premiere LEague bikah Chelsea hi games 11 khelh atang a points 11 hmu hmasa ber an ni. 2005/06 season-ah he record hi an lo siam. A hnu ah Manchester City in season 2 lai mai an lo siam ve bawk. 2011/12 season leh 2017/18 ah an siam a ni. Chelsea leh Manchester City te hian record an siam season-ah hian Premiere League titles an la nghe nghe.

Liverpool leh Manchester City inkhelh hnuhnung ber tun kum January thla khan Manchester City lamin hnehna an chang. Tun tumah hian eng club hian nge hnehna chang ta ang le. Liverpool hi matchs 28 chhung chu hneh theih an la ni lo.

Liverpool (2019/20) – 31 points

Manchester City (2017/18) – 31 points

Manchester City (2011/12) – 31 points

Chelsea (2005/06) – 31 points

Huapzau

Next Post

Mbappe'an Real Madrid a hnawl chhan an sawi

Mon Nov 4 , 2019
Kum 2 liam ta khan France Superstar Kylian Mbappe’an vawi 13 lai UEFA Champions League hnehna changtu Real Madrid aiin Paris Saint-Germain a thlang zawk niin an sawi a, amah close tu pakhat chuan Real Madrid […]