Liverpool leh Real Madrid star €75m man sawi zawm an ni

UEFA Champions League 2019 champion lai Liverpool chuan tun summer transfer-ah hian player pakhat chauh an la lalut a, mahse, €75 million man Real Madrid player chu lak an tum niin reports in a tarlang.

Reds hian tun summer transfer window ah Dutch centre-back Sepp van den Berg chauh an squad-ah an la telh a ni. Liverpool manager Jurgen Klopp’an a lo sawi tawh angin, player diktak chauh lak a rilruk a, player dik tak tan chauh sum a sen tur thu a lo sawi tawh a nih kha.

Spanish newspaper El Desmarque in a tarlan dan chuan Liverpool lam hian Real Madrid star Marco Asensio manah  €75 million pek an huam niin an tarlang. Klopp hian skill nei tha tak vei dak Asensio hi a attacking line ah belh a duh a ni.

Liverpool superstar Mohamed Salah inhlim chang pawhin, Salah thlaktu tura rin a ni bawk.

Reports in a tarlan leh dan chuan Real Madrid boss Zinedine Zidane hian Asensio hi chan a duh lo hle niin an tarlang a, mahse, club lam chuan players dang lak belh an duh thung.

Real Madrid boss Zidane hian Real President Florentino Perez hnenah Sadio Mane la turin a dil a, kum 23 mi Mane hi Spanish club lian Real Madrid lamah a kal maithei niin an tarlang bawk.

Marco Asensio hi Real Madrid in €3.5 million in Mallorca atangin an la lut a, season hmasa lam khan Real Madrid tan matches 44 lai maiah a inlan thei a ni.

Liverpool lam hian attacking lamah Salah, Mane leh Roberto Firmino te back up tu atan hian players experience nei Divock Origi leh Xherdan Shaqiri chiah an nei a ni. Liverpool hian Salah, Mane leh Roberto Firmino te backup tu tur an mamawh hle niin a lang a, Marco Asensio chu lak theih an duh hle.

Huapzau

Next Post

Messi hian Ballon d'Or dawn a phu

Thu Jul 11 , 2019
2018/2019 Season-ah trophy pakhat chauh chawi mahsela, Blaugrana superstar hlui Rivaldo chuan FC Barcelona superstar Lionel Messi chu tun kum Ballon d’Or dawn phu ber a nih thu a sawi. Lionel Messi hian season hmasa thleng khan FC Barcelona tan […]

ads