Lukaku’an Ronaldo record neih a nih rual pui

Kan hriat angin Romelu Lukaku chu Manchester United lamah goal khung lamah harsatna a tawk. Mahse, Inter Milan lamah erawh a che ang reng hle. Nizan khan Brazillian legend Ronaldo Nazario record neih a nih rual pui.

Old Traford lamah hun a hman chhung khan sawiselna hrang hrang a tawk a, transfer hnuhnung berah khan Old Traford atangin Inter Milan lamah a insawn a ni.

Inter Milan lamah season khatna a hmang mek a, mahse Romelu Lukaku hi a che tha ang reng hle. Serie A matches 11 a khelh atangin goals 9 lai mai a khung tling tawh a ni.

Kum 1997/98 khan Ronaldo Nazario chuan games 11 atangin goals 9 lai a lo khung ve tawh a, kha ta tang khan Inter Milan players ten he record hi an la siam thei lo a. Romelu Lukaku hi siam leh thei hmasa ber a ni.

Ronaldo Nazario’an Milan tan games 11 atang a goals 9 a khung chu Romelu Lukaku hian a nih rual pui.

Manchester United striker pahnih Antony Martial leh Marcus Rashford ten league goal an khung belhkhawm hi goals 8 a ni a, Romelu Lukaku hian league goal 9 a khung tawh a ni.

Tunah hian Serie A goal khung hnem ber pahnihna a ni mek a, Goal khung hnem ber Ciro Immobile aiin goal thum in a khung tlem zawk.

Huapzau

Next Post

Players lar football an khelh lai a ke tliak 11 te

Mon Nov 4 , 2019
Kan hriat angin nizan Everton leh Tottenham inkhelh tum khan FC Barcelona player hlui Andre Gomez chu a ke rek a tliak palh a, inkhelh lai field chhung a ke tliak players lar thenkhatte kan rawn […]