Manchester United in Pogba chungchangah an ngaihdan hnuhnung ber an siam fel ta

Manchester United board chuan Paul Pogba chungchangah an ngaihdan hnuhnung ber an siam tan tawh niin reports chuan a tarlang. Kan hriat angin Pogba chu Real Madrid lamah kal tur anga sawi a ni.

Club chief Ed Woodward chuan 2018 FIFA World Cup winner Pogba hi tun summer transfer window-ah a hralh chhuah loh tur thu a sawi niin Sports chuan a tarlang.

Kum 26 mi Pogba hi Season tharah Los Blancos lam a pan dawn niin thuthang a tam hle a, mahse, United lam hian United lamah awm tir rih an tum a ni.

Real Madrid boss Zidane chuan United Midfielder Paul Pogba fan ruh tak pakhat a nih thu a lo sawi ve bawk a nih kha. United lamah tun season hi che tha vak lo mahsela, Old Traford a chhuahsan hma ngeiin offer tha tak siam sak an tum niin reports in a tarlang.

Manchester United lamin Pogba hi a chhuah tak tak chu an la phal bik lo niin a lang, Mahse, Pogba hian Real Madrid chu players zawng zawng khelh chakna leh khelh duhna a ni tiin a sawi. Mahse, interview naah khan Manchester lama a hlim rih thu a sawi tel bawk.

2019/19 season ah khan Pogba hian United tan matchs 48 a khelh atangin goals 16 a khung tlin mai bakah assists vawi 11 a nei tling bawk.