Manchester United target thar puan a ni:

Premiere League club lian Manchester United chuan Spanish rawlthar duhawm tak U21 European Championship a che tha em em Dani Olmo chu an hel tan niin SL chuan a tarlang.

Manchester United lam hian FC Barcelona player hlui, tuna Dinamo Zagreb player ni mek Dani Olmo chu £36 million velin lak an huam niin reports in a tarlang.

He spanish Dani Olmo hi European Club lian thenkhat te pawhin an duh nual niin a lang. Amah duh tu zingah Bayern Munich, Paris Saint-Germain leh Liverpool te pawh an tel ve niin Sportske Novost chuan a tarlang.

An sawi zel danah chuan Spanish rawlthar Dani Olmo hian hun lo kal tur a a khelh duhna ram a sawi a, media te hmaah Dani Olmo chuan Germany emaw England lamah a khelh duh thu a sawi.

Hetih lai hian a agent erawh chuan kum 21 mi Dani Olmo hi Spain lamah a kir leh maithei niin a sawi ve bawk.

Dani Olmo hian kum 2014 khan Barcelona academy (La Masia) chu chhuahsanin, Zagreb’s youth lam a pan a ni. Rei loah Croatian club Zagreb senior team-ah a khel nghal bawk.

Manchester United manager Ole Gunnar Solskjaer chuan he rawlthar attacking midfielder talent nei tha tak hi a hre reng a, a duh hle a ni. Dani Olmo hi Zagreb first team tan vawi 101 inlan thei tawhin goals 47 lai maiah a inrawlh kim tawh a ni.

Manchester United hian la thei tak ang maw?

READ MORE: Cristiano Ronaldo thlaktu ka ni tih ka ngaihtuah ngai lo-Vinicius Jr

Real Madrid rawlthar Vinicius Junior chuan chuan Real Madrid tana goal khung hnem ber Cristiano Ronaldo thlaktu a nih avangin pressure a awm loh thu a sawi.

Kan hriat angin Cristiano Ronaldo chu kum 9 chhung teh meuh mai Real Madrid tan a khel a. Season hmasa lam khan Real Madrid atangin Serie A club Juventus lamah a insawn a ni.

Cristiano Ronaldo’an Real Madrid a chhuahsan hnuah Real Madrid chuan hun harsa tak an hmang a, manager pawh an thlak hnem kher mai. Zidane’an Real Madrid a chhuahsan hnuah Spain coach hlui Julen Lopetegui chuan Real Madrid a enkawl nghal a ni.

Real Madrid lamin Julen Lopetegui chu reilo te an chhawr hnuah an ban leh a, Argentine Santiago Solari chu coach atan an la lut leh a ni. Thla tlemte Real a enkawl hnuah ban a nih leh a, Zinedine Zidane chu an coach atan an la lut thar leh a ni.

Real Madrid lamah Zidane a kir leh meuh chuan, Real Madrid chu competions pawimawh tak takah an lo tla fel der tawh a ni. Champions League leh Copa Del Rey ah an tla a, La Liga lamah beiseina an nei tawh lo a ni.

Vinicius hi Ronaldo’an Real Madrid a chhuahsan kum khan Real Madrid lamah a lut ve a, Games 31 ah inlan theiin goals 4 chauh a khung ta ni.

“Ronaldo chu Ronaldo a ni, club legend a ni a, tumahin an tih ngailo a ti a, mahse, amah thlaktu ka ni tih hi ka ngaihtuah ngai meuh lo. Inkhelh ka duh a, Madrid chu ka theih ang tawp a tanpui ka duh” tiin Vinicius chuan AS a hrilh.

“Ka case bikah ka tan chuan hun tha tak a ni, Flamengo tan ka khel tha em em a, hma ka sawn”

“Thla 3 chhung Real Madrid lamah ka inhawng nasa em em a, ka tan chuan a tha hle khawvel club tha ber a ka khel thei hrim hrim pawh hi ka lawm” tiin kum 18 mi Vinicius Junior chuan a sawi.

Huapzau

Next Post

Ram caah ka chuih rih lai- Lionel Messi

Wed Jul 3 , 2019
Lionel Messi nih cun Copa America semi final i Brazil an tei lo hnu ah a ram (Argentina) caah chuih zungzal a duhnak kong le i dinh aa timh rih lonak kong a phuan. Argentina superstar Lionel Messi nih cun […]

ads