Manchester United top 4 beiseina a thamral ta!

Manchester United ten Top 4 an lo beisei ve chu a thamral ta, kan hriat angin zaninah Huddersfield Town an tlawh a, hnehna an chang zo lo Huddersfield leh United te hi 1-1 in an indraw a ni. Hetih lai hian Chelsea erawh Premiere League table pathumnaah an chho.

Manchester United hian Premiere League table-a hnuai ber ni mek Huddersfield chu an hneh lova, Top 4 an beiseina chu a thamral ta a ni. Season tharah Manchester United lam hian Champions League an khel thei dawn lo a ni.

Untied tan hian Scott Mc Tominay chuan minutes 8 na velah goal a khung a, mahse, minutes 60 naah Huddersfield lam atangin Isaac Mibenza chuan United beiseina a tih thamral sak ta a ni.

Zaninah Chelses chuan an home Stamford Bridge ah Watford chu 3-0 lai maiin an hneh a, Chelsea tan Ruben Loftus Cheek, David Luiz leh Gonzalo Higuain ten goal an khung a ni.

Sarri team Chelsea hian pathumna ni mek Tottenham chu pelin Chelsea hi pathumnaah an awm a ni. Game khat khelh tur an la nei a, an khelh pui tur hi Leicester City niin King Power Stadium-ah an inkhel dawn a ni.

Cahill pawhin Premiere League game hnuhnung ber a khel ve e. Tun season zawh rualin Chelsea a a contract neih a zo ve dawn e.

Huapzau

Next Post

United Players chhuak leh tur pahnihna

Mon May 13 , 2019
2018/19 season chu khelh zawh a ni ta a, Manchester United chuan a vawi hnihna atan an player chhuak tur an confirmed thu media ten an sawi. United captain Antonio Valencia chu tun atanga rei vak lovah a chhuak dawn […]

ads