Mbappe aiin Griezmann an Ballon d’Or dawn a phu zawk

Croatia leh Real Madrid midfielder Luka Modric chuan France players atanga Ballon d’Or dawn phu ber chu Antoine Griezmann a nih thu a sawichhuak. PSG rawlthar Kylian Mbappe leh Real Madrid a a khelhpui mek Raphael Varane te aia a phu zawk thu a sawi tel bawk.

Tun kum Ballon d’Or dawng thei turin France players thenkhat hming lam rik a ni nasa hle. Hei hi a chhan ber nia lang chu khawvel mi ngaihlut World Cup nomawi chawi tu anni vang a ni ber.

Real Madrid midfielder chuan France players zingah Griezmann an dawn a phu ber thu a sawichhuak. Griezmann hian nikum khan season duhawm tak hmangin a club Atletico Madrid chu Europa League chawipuiin a ram France chu World Cup nomawi a chawipui bawk a ni.

”France players pathum (Griezmann, Varane leh Mbappe) te zingah hian Griezmann an Ballon d’Or dawn a phu ber in ka hria” tiin FIFA Best Men’s chawimawina dawng tu Luka Modric an a sawichhuak.

Mbappe chungchang an zawhna Modric an chhang leh in,”Mbappe hian hma hun tha tak a nei. Club leh ram tan thil tam tak a thlen zel ang. Player danglam bik a ni” tiin a sawi chhunzawm bawk.

 

Next Post

Messi chungkhat lei nih Maradona an phomh ve:

Mon Oct 15 , 2018
Kan thei bantukin Argentina Legend Maradona nih Lionel Messi cu hruaitu ttha asilo, keimah nawl […]