Mbappe’an Real Madrid a hnawl chhan an sawi

Kum 2 liam ta khan France Superstar Kylian Mbappe’an vawi 13 lai UEFA Champions League hnehna changtu Real Madrid aiin Paris Saint-Germain a thlang zawk niin an sawi a, amah close tu pakhat chuan Real Madrid a thlan loh chhan a sawifiah niin SL chuan an tarlang.

Monaco a awm lai tawh atang khan khawvel player rawlthar tha ber pakhat mi te duh rawn a ni tawh a, kum 2017 khan a Paris Saint-Germain chu a khual zinna atan a lo thlang tawh a ni.

Tunlai vel hian Real Madrid leh Kylian Mbappe te hi sawi zawm an ni a, mahse, Monaco Vice-President hlui Vadim Vasilyev chuan Kylian Mbappe’an a hmalam hun a tih chian dan leh hmun dang a a kal hma chungchang a sawifiah.

“Real Madrid lamah a kal loh chhan maw?” tiin Vadim Vasilyev chuan a sawi.

“Ti hian min hrilh. Vadim a la hma mah mah, Parisian ka ni a, ka ram chhuahsan ka duh lo ang hi a ni. Helai hmunah hian player ropui tak nih ka duh.”

“Kylian i ti dik, tiin ka hrilh”

“Hnehna chan a duh a, dik tak chuan Champions League a hnehna chan hi Kylian te ang tan chuan a pawimawh hle. Paris Saint-Germain tan UCL hnehna a chan chuan a tha hle ang.”

“Amah ngai tho a nia, Kylian tho a ni, Cristiano Ronaldo ka hre chiang hle, records zawng zawng hi siam vek a duh. Hetiang ang chiah hian Kylian Mbappe pawh a ni”

Kylian Mbappe hi tunah hian kum 20 a ni a, Ligue 1 ah matches 104 khel tawhin goals 67 leh assists 31 lai a nei tling tawh a ni. Monaco leh Paris Saint-Germain tan trophies 6 a chawi tawh bawk.

Huapzau

Next Post

Kylian Mbappe nih Real Madrid a hlawtnak a ruang phuan a si

Mon Nov 4 , 2019
Aluancia kum 2 ah khan France SUperstar Kylian Mbappe nih voi 13 bak UEFA Champions League teinak hmutu Real Madrid nakin Paris Saint-Germain a rak thim deuh tiah an chim i, amah naihtu pakhat nih Real […]