Messi hi 2019 Ballon d’Or hmuh awk ah aa tlak lo – Steven Gerrard

Biachokvai zut mi (Leaked) hi a hmaan asiah cun tuzan Nikhat ni zan (Monday) ah hin Lionel Messi nih 2019 Ballon d’Or a cohlang lai. Nain, a fan number 1 asimi Liverpool star tthing Steven Gerrard nih cun Lionel Messi hi tu kum Ballon d’Or hmuh awk ah aa tlak lo tiah a chim.

Reports nih an langhter ning ah cun FC Barcelona superstar Lionel Messi nih hin a voi 6 nak Ballon d’Or a cohlang lai tiah an langhter i, Messi nih hin Liverpool star Virgil van Dijk le Juventus superstar Cristiano Ronaldo cu a tei tiah an langhter chap.

Messi nih hin 2019 Ballon d’Or a hmu khawh tthan asiah cun, Vawlei cung footbaler chuak cangmi ah Ballon d’Or voi 6 hmu hmasa bik asilai i, amah lawng a si lai. Nain, Liverpool midfielder tthing, scottish club ngan Ranger coach asimi Steven Gerrard nih cun tukum Ballon d’Or hmuh awk ah aa tlak bik cu liverpool defender Virgil van Dijk hi asi tiah a chim.

“Messi fan number 1 bak ka si, ka duh tukmi player asi” tiah Gerrard nih William Hill a chim tiah Marca nih an langhter.

“Nain, kum khat chung player cawlcangh ttha kong na chim asiah cun, European Cup i teinak hmutu, a chuih paohpaoh ah cawlcangh ttha, Virgil van Dijk hi 20109 Ballon d’Or hmu awkah aa tlak bik.

Next Post

Demi Rose pawh Thailand lamah chawlh a hmang mek e PICTURE EXCLUSIVE

Mon Dec 2 , 2019
Model chhelo tak Demi Rose chu Thailand lamah chawlh hmangin a kal a, a thlalak […]