Messi hi Ballon d’Or hmuh awk ah aa tlak-Rivaldo

2018/2019 Season ah hraidawh pakhat lawng hmuh hmanhselaw, Barcelona superstar tthing asimi Rivaldo nih cun FC barcelona superstar Lionel Messi cu tukum Ballon d’Or cohlangh tu ding ah aa tlak bik tiah a chim.

Lionel Messi nih hin aluancia season tiang kha cu FC Barcelona caah a sunglawi taktak mi thil a rak tuah, mi cheu khat nih cun UEFA Champions League a sungh caah Ballon d’Or cohlang khawhnak caan ttha a ngeihmi zong a rawk viar cang ko lai tiah an ruah.

Barcelona player tthing asimi Rivaldo nih cun kum 32 asimi Lionel Messi cu a zuampi mi dang vialte nakin Calendar year ah a cawlcangh ttha deuh tiah a chim i, pumpak i vun ruat zong ah a cawlcangh ttha bik tiah a chim.

“Ka ruah ning ah cun, a rak cawlcangh mi ah tukum Ballon d’Or hi Lionel Messi caah asi” tiah Rivaldo nih a chim tiah Betfair nih an langhter.

“Champions League ah teinak a hmuh lo, nain, Ballon d’Or laksawng hi pumpak laksawng asi, kawl tampi a khumh kho i, a biapi mi kawl khumh asi”tiah Rivaldo nih a chim chap.

Messi nih hin 2019 chung lawng ah FC Barca caah puai (Matches) 19 a chuih mi chungin kawl 21 bak a khumh kho. 2018/19 season chung ah Barcelona caah puai (matches) voi 50 a chuih kho i, kawl 51 bak a khumh, mah lawng siloin assists voi 22 a ngei kho.

Huapzau

Next Post

Neymar'an Barca tan hattrick a siam chuan, fans ten amah chu an chawimawi leh ang

Thu Jul 11 , 2019
Kum 2 liam khan Neymar chuan FC Barcelona chhuahsanin Paris Saint-Germain lam a pan a nih kha. Barcelona president hlui chuan Neymar chu fans ten an chawimawi leh theihna tur chuan Barcelona lamah a kir rualin Barca tan goal a […]

ads