Messi hi dan theih a ni lo, mahse Brazil in che thei lovin an siam ang

Brazil coach Tite chuan Lionel Messi chu dan theih a ni lo tiin a sawi a, Mahse, Copa America 2019 Semi final khelh turah Argentina star Messi hi Brazil player ten an dah nil dawn niin a sawi bawk.

Messi hi Tournament sang zawkah che tha thin mahsela, Argentina hian a zawnin voi 4 lai Final an lut tawh a ni. Brazil lam pawhin Semi Final khelh chu an nghakhlel tawh hle niin Sportskeeda chuan a tarlang.

Brazil coach Tite chuan Messi hi a huphurh deuh niin a lang a, mahse, a talent neih te chu Brazil lamin an tikhawtlai thei dawn niin a sawi.

“Argentina player pakhat chauh kan sawi lova, Argentina team hi a hova awm an ni” tiin Brazil coach Tite chuan News Coference naah a sawi.

“Mi malin a hova awm a belhchhah, Messi hi i chhuahtir thei lovang, a chetdan chu i ti khawtlai thei ang, mahse, a chakna i tibo thei lovang”

“Philippe Coutinho chauhvin Messi hi a tikhawtlai thei lovang a, Roberto Firmino leh David Neres te hi mumal taka an chet a ngai dawn a ni.” tiin Tite chuan Messi dan chungchangah Firmino le Neres te pawimawhna a sawi.

Kan hriat angin 2014 FIFA World Cup lai khan Brazil chu ropui lo takin Germany in 7-1 lai maiin an hneh a ni. Copa America 2019 semi final an lut leh thei a, final an thleng thei mai ang em?

Tite chuan Fans te chu Brazil tan tlat turin a ngen a, hnehna chan ngei a duh thu a sawi bawk.

Huapzau

Next Post

Messi hi phih khawh asilo, nain Brazil nih cawlcangh kho loin an tuah lai

Tue Jul 2 , 2019
Brazil coach Tite nih cun Lionel Messi cu phih khawh asilo tiah a chim. Nain, Copa America 2019 Semi final chuih dingmi ah Argentina superstar Messi cu Brazil players hna nih an phih khawh ko lai i, a khul an […]

ads