Messi hi phih khawh asilo, nain Brazil nih cawlcangh kho loin an tuah lai

Brazil coach Tite nih cun Lionel Messi cu phih khawh asilo tiah a chim. Nain, Copa America 2019 Semi final chuih dingmi ah Argentina superstar Messi cu Brazil players hna nih an phih khawh ko lai i, a khul an nuarhter deuh lai tiah a chim.

Messi hi Tournament sang deuh ah cawlcangh ttha hmanhselaw, Argentina nih aa pehthliahmahmi voi 4 chung FInal an rak chuih cang, nain, teinak an hmuh lo. Mah ruang ah Brazil lei nih Semi Final chuih cu an i duh tuk cang tiah Sportskeeda nih an langhter.

Brazil coach Tite nih cun Lionel Messi cu a ttiah pah, nain, a talent ngeihmi cu Brazil players cheu khat hna nih a khul an nuarhter ko lai tiah a chim.

“Argentina player pakhat lawng kan chim lo, Argentina team hi a bu in ttuan mi hna an sai” tiah Brazil coach asimi Tite nih News Coference nak ah a chim.

“Mi pakhat nih bu a tam ter i, Messi hi leng lei ah chiah khawh asilo, a cawlcangh ning cu a nuarhter kho men lai, nain, a talent ngeihmi cu na tlauter kho lai lo”

“Philippe Coutinho lawng nih Messi khul hi a nuarhter kho lai lo i, Roberto Firmino le David Neres hna hi sullam ngei te in an cawlcangh a herh lai” tiah Brazil coach Tite nih Roberto Firmino le David Neres biapi nak a chim chap.

Kan thei bantukin 2014 FIFA World Cup lio ah khan Brazil cu Germany nih 7-1 bakin an tei hna. Copa America 2019 semi final an kai tthan i, final an phak khawh tthan lai maw.

Tite nih cun Fans hna sinah bawmh a hal, teinak hmuh a duhnak kong zong a chim.

REL CHAP: Neymar nih Barca tanhtu hna sinah ngaihthiam hal se https://www.huapzau.com/neymar-nih-barca-tanhtu-hna-sinah-ngaihthiam-hal-se/

Please Like Our PAGE (CHIN FOOTBALL.COM), zaangfahnak tein kan page rak kan like piak ve u.

Huapzau

Next Post

Cristiano Ronaldo thlaktu ka ni tih ka ngaihtuah ngai lo-Vinicius Jr

Tue Jul 2 , 2019
Real Madrid rawlthar Vinicius Junior chuan chuan Real Madrid tana goal khung hnem ber Cristiano Ronaldo thlaktu a nih avangin pressure a awm loh thu a sawi. Kan hriat angin Cristiano Ronaldo chu kum 9 chhung teh meuh mai Real […]

ads