Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Mourinho’an United player tharte a fak:

Kan hriat angin nikum December thla vel khan Jose Mourinho chu club lamin an hna atangin an ban a nih kha. Nizan Manchester United leh Chelsea te khelhah khan United lam chuan Chelsea chu 4-0 lai maiin an sawp a, hemi chungchangah Red Devils player tharte a fak.

Minutes 60 chhung vel chu Chelsea lam hi an che chhe lem lo hle, United lam atangin Marcus Rashford, Antony Martial leh Daniel James ten goal an khung a, Marcus Rasford’an goal hnih khungin 4-0 lai maiin hnehna an chang a ni.

Pathianni zan a Manchester United players te chet dan chu Mourinho’an a fak hle a bik takin an player lak thar, Harry Maguire, Aaron Wan-Bissaka leh Daniel James te a fak hle.

“Harry Maguire, Aaron Wan-Bissaka leh Daniel James te hi an che tha hle” tiin Mourinho’an a sawi niin Sky Sports lamin an tarlang.

“Maguire hi Man of the Match tan a thlan a ni, Bissaka pawh a nghet hle”

“naupang James chu lo lutin goal a khung nghal a, heng player thar pathum te hi an che tha hle.” tiin Mourinho chuan a fak.

Jose Mourinho chuan a tawp berah United centre back te inkawp fuh chungchang a sawi.

“(Victor) Lindelof hi Maguire nen player tha tak a ni thei, inkawp rem takah an inchhuah thei a ni” tiin Jose Mourinho chuan uar takin a sawi.

Huapzau

Next Post

Lianzuala'n Europe lam a hawi

Wed Aug 14 , 2019
Mizo tlangval Lallianzuala Chhangte chuan a vawi hnih nana trial nei turin Norwegian club Viking FK a pan a, nimin khan training a zawm nghal. Ruahman ang chuan Lianzuala hian ni nga vel training a nei ang a, coach Bjarne […]