- Season a tan chhiat em avangin Tottenham chuan Mauricio Pochettino an ban.
- Pochetino hian a vawikhatna atan a lo khelh thinna Newell’s Old Boys a tlawh.
- Newell’s Old Boy-ah hian a career bul a tan.
- Europe Club lian hrang hrang nena sawi zawm mek a ni.
Tottenham in an ban hnuah Mauricio Pochetino chu a vawikhatna atan a thlalak hmuh tur a awm.
Kan hriat angin tun season kal mekah Tottenham chu bul a tan chhiat em avangin an ban. Premiere League bikah Tottenham chu vawi 3 chiah hnehna a chan pui a, table-ah 14 naah an awm a ni.
An ban atanga rei vak lovah Tottenham chuan an coach thar atan Jose Mourinho an la lut ve nghal.
Mauricio Pochettino hian 1989 leh 1994 a a lo khelh tawhna Newell’s Old Boy club a tlawh a, tuna club staff member ni mek ten a kawr hak thin an lo present.
Players ang zawngin Newell’ Old Boy ah hian kum 5 vel a awm a, games 153 a inlan atangin goals 8 a khung tling ve a ni.
A hnuah manager hna a thawh hmain, Espanyol, Paris Saint0-Germain leh Bordeaux-ah te a khel khual a ni.
Pochettino hian kum 2014 atang khan Tottenham a enkawl tan a, Kum 5 leh a chanve a awm hnuah Tottenham in an ban.
Amah duhtu zingah Bayern Munich, Real Madrid leh Manchester United te an awm a ni. Amah duhtu an awm nual avangin manager hna a chelh leh vat a beiseiawm.
Hei mai bakah Arsenal lam pawhin an coach tur atan an duh niin reports in a tarlang.
