Neymar hi mi chak takah a inchhuah-Neymar pa

Paris Saint-Germain superstar Neymar pa chuan a fapa chu harsa tak a thla tlemte hun a hman hnuin field chhungah a lo kir leh thuai tur thu a sawi.

Neymar pa chuan a fapa Neymar’an season khat chhung hun harsa tak a hman avang khan mi chak takah a inchhuah thu a sawi.

Kan hriat angin kum 27 mi Neymar’an hliam a nei deuh reng avangin duh angin Football field chhungah kan hmu thei lo a ni.

Hliam a neih mai bakah Brazilian hmeichhe pakhatin may 15 khan Paris Hotel-ah min pawngsual tiin a puh a ni. Hei vang hian Neymar pa chuan a fapa chu hun harsa tak a hman avang khan mi chak takah a inchhuah tiin a sawi.

Neymar hi Barcelona leh Real Madrid lam a kal tur angin thuthang a tam hle a, a club hlui Barcelona lamah kal a duh hle niin an tarlang bawk.

”June thla vel atang khan ka fapa in football a khel thei tawh lo, a chhan chu hliam a neih vang a ni. Mahse, khang buaina zawng zawng avang khan ka fapa chu mi chak takah a inchhuah a ni” tiin Neymar pa chuan a sawi.

“Tunah hian a life leh Football avangin mi chak takah a chhuak a ni.”

“Field-ah a lo kir leh vat ang. A pa ka nihna angin, football a khelh lai hmuh chu a lawmawm dangdai hle. Ka fapa vangin ka inchhuang a ni.”

“Football a khel leh thei a nih chuan a hlim leh ang” tiin Neymar pa chuan a sawi.

Next Post

UEFA Chuan 2018/2019 Goal Of The Season a puang:

Sat Aug 10 , 2019
UEFA chuan Goal of the Season award dawngtu tur an puang a, FC Barcelona superstar […]