Neymar nih Barca caah Hattrick a khumh colh asiah cun, Barca tanhtu hna nih an thangtthat tthan lai

Aluancia kum 2 ah khan Neymar nih cun FC Barcelona chuahtakin Paris Saint-Germain lei ah aa tthial. Barcelona president tthing asimi nih cun Neymar cu Fans hna nih an thangtthat khawh tthan nak ding ah cun Barca lei i a kir tthan tik ah kawl a khumh colh a hau lai tiah a chim.

Kum 27 asimi Neymar cu a club tthing Barcelona lei ah kir tthan a duh timi cu a fiang pah cang. Kan thei bantukin barcelona ah kum 4 reng lo caan a hmang i, a caan hman ning a sunglawi ngai i, a min zong a thang ngai.

Mi tampi zumh ning ah cun Neymar nih 2017 kum i Barca a chuahtak ning ah Barca tanhtu cheu khat cu an lungtling lo ngai i, mah ruang ah tanhtu tam deuh nih cun Neymar hi an rak lawmh tuk lai lo tiah an zumh.

Barcelona President thing asimi Joan Gaspart nih cun Neymar hi tanhtu hna nih an thangthat khawh tthan nak le an zumh khawhnak ding ah cun rian rang ngaiin kawl a khumh colh a herh lai tiah a chim.

“Neymar case-ah biahalnak um khomi cu, hlawhtlinnak tampi a hmuh hnu ah dawh lo ngaiin Barca a chuahtak timi hi asi” tiah Gaspart nih Cadena SER a chim.

“Zei asi zong ah, Barca Board lei nih cun a hlawhtlinnak kong ah bia an ceih lai lo, an ceih dingmi cu hrawidawh a la maw la lo timi hi asi”

“Neymar hi Barcelona lei i a kir tthan i, kawl 3 (hattrick) bak a khumh colh asiah cun, Stadium chung i ummi vialte nih amah cu an thangthat lai” tiah Barcelona President tthing Joan Gaspart nih a chim.

Paris Saint-Germain’s Brazilian forward Neymar looks on during the French L1 football match between Paris Saint-Germain (PSG) and OGC Nice at the Parc des Princes stadium in Paris on May 4, 2019. (Photo by Lionel BONAVENTURE / AFP) (Photo credit should read LIONEL BONAVENTURE/AFP/Getty Images)

2013 in 2017 kum tiang Neymar nih Barcelona caah puai (matches) 186 a chuih tling i, kawl 105 bak a khumh, mah lawng siloin, assists voi 76 bak a ngei.

neymar hi Barcelona lei ah a kir tthan khawh lai maw?

Huapzau

Next Post

Russian bodybuilder pakhat chu a banah oil a chiu luh avangin a ban a lian hle a, UK panna tur kut a dawh:

Fri Jul 12 , 2019
Kirill Tereshin kum 22 mi chuan a ban puar lian zet mai chu a show off thin a, social media lamah pawh a lar hle. Mahse, hetih lai hian a taksa dang erawh a cherin a sawng hle thung a […]

ads