Neymar Transfer kong ah thawngpang thar UPDATE

Kan thei bantukin summer transfer hnu bik ah khan Neymar cu Barcelona lei ah kir tthan ding in an chim. Nain, club pahnih PSG le Barca cu an lung a tling kho lo veve. Mah ruang ah Neymar cu Paris Saint-Germain lei ah tutan season hi a chuih tthan.

Kum 27 asimi Neymar nih hin transfer window lio ah French champions PSG cu chuahtak a rak duh ngai cang, nain, FC Barcelona lei ah kir tthan loin, PSG lei ah caan a hmang tthan.

Transfer window i onh lio ah khan Neymar cu a club tthing Barca lei ah a kir tthan deng mang, PSG zong nih chuahter an duh ngai ve, a man ding zong ah tling tein tangka an duh. Nain, Barcelona lei nih PSG nih Neymar man ding an khiahmi ah an lungtling kho lo tiah reports nih an langhter.

Barca lei i a teammates tthing hna zong nih Neymar rak kir tthan ding cu an duh ngai ve.

Barcelona board lei nih Neymar cu lak tthan an duh tuk ko nain, PSG lei nih hin Neymar chuahter taktak an siang lo, a man ding zong tam ngaiin an chim tiah French Publication Journal du Dimanche nih an langhter.

Superstar Lionel Messi le a teammates cheu khat nih Neymar cu Camp Nou lei ah kir tthan ding in an duh ngai, nain, Neymar cu Camp Nou lei ah a kir kho lo men tiah an langhter tthan.

An chim tthan ning ah cun Barcelona lei nih hin Neymar cawknak ding tangka an ngei lo tiah an chim i, mah ruang ah Neyamar cu PSG lei i contract a ngeihmi dih tiang a a um a hau men lai.

PSG lei ah hin kum 2 le cheu hrawng contract a ngei rih i, PSG caah puai 65 a chuihmi chungin kawl 55 le assist voi 29 bak a ngei cang.

Next Post

Zathiam Sparkling Bodysuits hmanga Performance Chhelo te

Mon Dec 2 , 2019
Celebrity Zaithiam ten an perform laiin thawmhnaw nalh tak tak an inbel thin a, tun […]