Neymar transfer update

Kan hriat angin summer transfer hnuhnung berah khan Neymar chu Barcelona lamah kir tur anga sawi ni mahse, Club pahnihte an in rem thei ngang lo. Neymar chu Paris Saint-Germain lamah tun season a awm

Kum 27 mi Neymar hian Transfer window inhawn lai khan French champions chhuahsan a duh hle a, mahse, a FC barcelona lamah kir thei lovin a ngaiah hun a hmang leh.

Transfer lai khan Neymar hi a club hlui Barcelona lamah a kir hman teuh hle a, PSG pawhin a man dik tak hmanga chhuahtir an tum laiin, Barcelona lamin an an pawmpui thei bik lo niin reports in an tarlang.

FC barcelona lama a teammates hlui te pawhin Neymar-a lo kir leh chu an duh deuh vek niin an tarlang bawk.

Barcelona board lamin Neymar chu lak kir leh an duh viau laiin, PSG lamin Neymar chhuah tir tak tak an phal ngang lo niin French Publication Journal du Dimanche chuan a tarlang.

Superstar Lionel Messi leh a teammates thenkhatte chuan Neymar-a Camp Nou lama kir leh chu an duh hle a, mahse, a lan danah Neymar hi Camp Nou lamah a kir hnai dawn lo niin an sawi.

An sawi zelnaah chuan Barcelona lam hian Neymar lak lehna tur pawisa an neilo niin an tarlang a, Neymar hian PSG lamah a contract a hman zawh a ngaih hmel hle.

PSG lamah kum 2 leh a chanve vel contract a la nei a, PSG tan games 65 a khelh tawh atangin goals 55 leh assists 29 lai a nei tling tawh a ni. Goal khung lamah chuan a duai lo hle.

Next Post

Neymar Transfer kong ah thawngpang thar UPDATE

Mon Dec 2 , 2019
Kan thei bantukin summer transfer hnu bik ah khan Neymar cu Barcelona lei ah kir […]