Neymar’an Mbappe Record neih a nih rual pui

Kylian Mbappe aiin Neymar hi kum 6 lai maiin upa zawk mahsela, FC Barcelona superstar hlui Neymar chuan Paris Saint-Germain lama a teammate Kylian Mbappe’an goal khung lama record a neih chu a nih rual pui a ni.

Ligue 1 match-ah Monaco chuan PSG mikhualin, khualmualah PSG lamin 4-1 lai maiin hnehna an chang a ni. Neymar penalty hmangin goal a khung ve bawk. Penalty goal a khung chiah khan Neymar hian Mbappe record neih a nih rual pui nghal a ni.

Kum 27 mi Neymar hian PSG match hnuhnung 8 atangin game khatah goal 1 emaw a aia tam a la khung ziah a, He record hi kar hmasa lam khan Kylian Mbappe chuan a lo siam ve a ni. A zawnin game 8 chhung goal khat emaw a aia tam an khung thei tihna a nih chu. Neymar leh Kylian Mbappe ten record an neih a inang chiah a ni.

He record hi Neymar leh Mbappe tih lohah chuan player pakhat chauhvin a la siam thei a, 1978/79 season khan Juventus club legend Carlos Bianchi chuan a zawnin matchs 8 chhung goal a lo khung ve tawh bawk.

Neymar hi goal khung lamah a duai lo hle kan ti thei awm e, hliamin a tih buai neuh neuh avangin duh angin matchs a khel thei lova, tun season kal mekah PSG tan match 14 a khelh atangin goals 12 a khung tlin mai bakah assist vawi 6 lai a nei tling bawk.

Next Post

Sportsman of the Year 2019 Nominees-ah Messi a tel

Thu Jan 16 , 2020
FC Barcelona superstar Lionel Messi chu Laureus Sportsman of the Year Nominees 6 zingah a tel […]