Neymar’an Side A Dream Team atan players tha 5 hming a sawi

FC Barcelona superstar hlui Neymar chu Camp Nou lamah kir leh tur angin thuthang a tam hle a, Neymar chuan a team tan khel tura a duh players 5 hming a sawi.

The Sun in an tarlan dan chuan Neymar hian players 5 hming a sawi zingah a hming a sawi tello niin an tarlang a, goalkeeper hming pawh a sawi theihnghilh niin an tarlang bawk.

Neymar’an team a thlan te hi khel dawn ta se goal a lut duh viau maithei a ni. DEFENDER leh Goalkeeper hming a sawi lo tlat. Hetihlai hian goal khung lamah pawh an duailo viau ang, a players thlan te hi attacking lama hlauhawm tak tak te an ni.

A hmasa berah chuan Neymar hian FC Barca lama a teammate hlui Luis Suarez a thlanga, PSG lama a teammate ni lai Kylian Mbappe pawh a thlang a ni. Hmatawng tu atan chuan an hlauhawm mah mah niin a lang.

Mak tak maiin Neymar hian midfield atan Fc Barca lama a thian leh teammate ni bawk Lionel Messi a thlanga, midfielder pahnihna atan Real Madrid player Eden Hazard a thlang bawk a ni.

A tawp berah chuan Neymar hian Red Devils midfielder Paul Pogba a thlang, Pogba leh Neymar te hi inkawmngeih tak an ni.

Next Post

African Star EPL lama Hlawh Hnem Zual Top 11 te

Sat Jan 11 , 2020
Premiere League lamah hian African players tha tak tak te an khel nual a, talent […]