Ole’an POGBA kir hun a nghakhlel hle, Spurs nen an khelh hunah a kir ngei a beisei

Manchester United manager Ole Gunnar Solskjaer chuan hlim neia hun hmang mek, Paul Pogba leh Scott Mc Tominay te chu Premiere League lamah an lo kir leh vat a ring a, a nghakhlel hle. A bik takin Jose Mourinho team Tottenham nen an inhmachhawn hunah an lo kir hman ngei a beisei bawk.

Kan hriat angin nizanah Manchester United chuan Old Traford-ah Aston Villa chu 2-2 in an draw a, he inkhelhah hian Pogba leh Mc Tominay an khel lo a nih kha.

United star Pogba hian a ke rekah hliam a neih vangin September thla atang tawh khan a inlan tawh lova, chutiang bawkin Mc Tominay pawh Brighton & Hove Albion an hneh tum khan a ke rek ah hliam a nei ve bawk.

United boss hlui Jose Mouriho hi ni kum December thlaah ban a ni a, hetih lai hian Pogba nen buaina an nei nghe nghe. A team enkawl thar Tottenham chuan Nilaini zan khian Manchester United an hmachhawn dawn a, Solskjaer chuan midfielder Pogba lo kir a nghakhlel hle.

“Ni 2 kan la nei a, tu pawh mai hi tha taka kan thlithlai a ngai dawn,” tiin Solskjaer chuan Pogba leh Mc Tominay te chungchanga zawhna a chhang.

“Ni 2 chauh hun kan nei a, an ni pahnih chungchang hi kan thlir mek, mahse, pakhat zawk zawk hi chu pitch chhungah kan hmuh theih ngei ka ring.

Manchester United hian tun season kal mekah Premiere League matchs 14 an khelh tawh atangin vawi 4 chiah hnehna an la chang a, points 18 hmuin table-ah pakua (9) na dinhmun an hauh mek. Table 5 na hauh mektu Tottenham hi points 2 in an hlat mek bawk.

Next Post

Bieber nupui Hailey Baldwin a rai lo

Mon Dec 2 , 2019
Justin Bieber nupui, kum 23 mi Hailey Baldwin chu a rai niin thuthang awm mah […]