Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

Pakistan-in ‘Kashmir Hour’ hmang dawn

Pakistan Army chuan Kashmir mipuite an thlawpna lantir nan vawiin chhun dar 12 hian ‘Kashmir Hour’ an hmang dawn.

Pakistan prime minister Imran Khan chuan an ram chhungah kartinin Kashmir mipuite an thlawpna lantirna hun hman a ni ziah dawn tih a sawi a, hemi hnu hian sipai thupuangtu Maj Gen Asif Ghafoor chuan a bulṭan nan Kashmir Hour hman a nih tur thu hi a puang zui ve nghal a ni.

‘Kashmir Hour’ an hman turah hian chhun dar 12-ah siren tihrik a ni dawn a, he hun hi ngai pawimawh turin an ram mipuite pawh an sawm nghal bawk.

India sorkarin Jammu and Kashmir special status pekna, Article 370 a tihtawp avangin Pakistan chuan na takin a sawisel fo a, hei vang hian tunhnaiah ram pahnihte inkar boruak pawh a chhe zual hle. Pakistan foreign minister Shah Mehmood Qureshi chuan indo turin an ram chu a inpeih reng tih a sawi tawh a, hemi hnu hian railway minister Sheikh Rasheed Ahmed chuan October-November vel hian India nena indona a thleng thut thei tih a sawi ve leh.

Rawalpindi-a thu a sawiah, Ahmed chuan Kashmir zalenna sual tura beihna tak tak a thlen a hun dawn ta tih sawiin, India nena indona thleng chu Kashmir chungchanga indona tawpna ber tur a nih thu a sawi bawk. Kashmir ṭhalaite chuan an duhthlanna chu a takin an lantir dawn a, Pakistan chuan Kashmir Valley mipuite chu a thlawp zel dawn a ni, a ti.

Huapzau

Next Post

Van Dijk nih points a hmuhmi a tam bak, Plyers 10 hna points hmuh ning:

Fri Aug 30 , 2019
Kan thei bantukin UEFA Men’s Player of the Year 2019 cu Liverpool defender Virgil van Dijk nih a cohlang. Van Dijk nih hin Juventus superstar Cristiano Ronaldo leh FC barcelona superstar Lionel Messi a tei. Liverpool defender Virgil van Dijk […]