‘Pawm theih a nilo!’: 6-0 a an tlawm hnuin Azpilicueta an Chelsea fans te ngaihdam a dil

Nizan khan EPL champion lai Manchester City chuan an home Etihad stadium ah an mikhual Chelsea chu 6-0 laiin an sawp a nih kha! He match hi Chelsea tan chuan thil duhawm lo tak niin 1991 hnua an tlawm chian ber tum a ni.Nottingham Forest chuan 7-0 in an lo sawp tawh bawk.

Etihad stadium ah 6-0 meuh a an mualpho hnuin Chelsea captain Azpilicueta chuan fans te hnenah ngaihdam a dil.

Kum 28 chhunga an mualpho tum ber la niin a zawn in vawi 4 meuh away ah an Maurizio Sarri nau te’n hnehna an chang tawh lo.

He match ah hian Aguero an hattrick siam in,Sterling an goal hnih leh German international Gundogan an goal khat a khung ve bawk.Tin, match khat a khel tam zawk niin goal difference hmangin Man City in Liverpool an luahlan mek bawk.

”Minute 5 atanga minute 6 vel kha chu kan la pawm thiam mai mahse a hnu khan kan rinloh thil a thleng, goal a lut zung zung a kan tan chuan pawm thiam a har hle. 6-0 meuh a kan chak lo anih chuan kan insiamthat a ngai hle, zir tur tam tak kan la nei” tiin Chelsea left back Azpilicueta an a sawichhuak.

”Stamford Bridge ah 2-0 in kan hneh a, a chhan chu eng dang vang nilo in kan tanrual vang leh kan khelhthat vang a ni. Nimin game ah erawh kha chuan hmuhtur a awm lo. Tuna kan tih theih zawng chu fans te ngaihdam dil a ni. Hma lam chak taka kan pan zel theihnan tih tur tam tak kan nei” tiin a sawi chhunzawm bawk.