Pep hi tha ber nih a tum chuan, Messi telloin hnehna chang rawh se

Manchester City boss Pep Guardiola chuan kum 2011 khan FC Barcelona chu UEFA Champions League a champion pui a, kha ta tankhan Europe inelna lianah a la hlawhchham zel rih a ni. Coach tha tak nih a tum chuan Lionel Messi telloin hnehna chang rawh se tiin Eniola Aluko chuan a sawi.

Eniola Aluko hi hmeichhe footballer niin tunah hian Italian club lian Juventus tan a khel mek a, Pep Guardiola hian hlawhtlinna tamtak a chang tawh a, mahse, a tha ber ni tur chuan Europe inelna lianah hnehna chang rawh se tiin a sawi.

England player hlui Eniola Aluko chuan Pep Guadiola hi coach tha ber nih a tum tak tak a nih chuan Europe club lian te inelnaah hian Lionel Messi telloin hnehna chan tum rawh se tiin a sawi.

“Pep Guardiola hian Lionel Messi telloin European final a la khel ngai lova, Klopp erawh Divock Origi hmangin hnehna a chang” tiin Eniola Aluko chuan The GuardianĀ a hrilh.

“Guardiola’an Barcelona a enkawl lai 2008/09 season khan Barcelona chuan La Liga, Copa del Rey leh Champions League an chawi a, hetiang ang hi manager dangin an ti thei mai mai lo. Mahse, 2014/15 season khan Luis Enrique chuan a rawn chawi ve leh a, all time great ah tumahin an ti tla thei lo” tiin a sawi bawk.

Huapzau

Next Post

Ronaldo an vawi 9 lai mai coach a hnialkalh pui tawh

Fri Nov 8 , 2019
Juventus leh Lokomotiv Moscow ten Champions League an khelh lai khan Cristiano Ronaldo chu Juventus boss Maurizio Sarri chungah a thinrim hle niin an tarlang a, hei hi Cristiano Ronaldo’an a tawn vawikhatna chauh a ni […]