Ram caah ka chuih rih lai- Lionel Messi

Lionel Messi nih cun Copa America semi final i Brazil an tei lo hnu ah a ram (Argentina) caah chuih zungzal a duhnak kong le i dinh aa timh rih lonak kong a phuan.

Argentina superstar Lionel Messi nih cun a ram Argentina caah laksawng ngan hmuh ding in a rak chuih peng cang i, atu tiang hlawhtlinnak a hmu kho rih lo. Copa America 2019 semi final ah Brazil cu 0-2 in an tei lo i, an khualtlawnnak cu a dongh rih.

Kum 32 asi cangmi Lionel Messi nih hin an sungh hnu ah ram caah chuih zungzal aa timhnak kong a chim i, mah asiah cun 2022 World Cup i aa tel tthan asiah cun kum 35 asi cang lai. Mah world cup a chuih hlan ah hin zuamnak ngan dirhkam ding a ngei rih lai. Kum vui ah Copa America hi Colombia he an ram ah chuih asi tthan lai, mah ah cun a chuih tthan ve lai.

Argentina captain Lionel Messi nih hin 2016 Copa America final i teinak an hmuh lo hnu ah Ram caah chuih ti lo dingin a phuan. Aa dinh i, 2018 kum FIFA World Cup hlan deuh ah khan a rak kir tthan, Argentina caah a zei zong vialte a pek dihnak kong a phuan.

Messi nih cun, “Kan hmai ah hin thil thar a um kho lai timi cu a fiang, taktak lo ah cun atu ram caah chuihmi hna he hin kan i pehtlaihnak a ttha ngai. Biapi nak pakhat tal ka ngei asi ah cun ka ti khawh chung ka ttuan lai. Mah team hi team lianngan asi, tthancho kho asi rih. Anmah sinah ka um khawh chung cu um rih ka duh.” tiah a chim.

Brazil caah Gabriel Jesus le Roberto Firmino nih goal khat veve an khumh Messi le Aguero nih cun goal tung ah an khenh, caan a dongh i Argentina cu 0-2 in an sungh. Atu hi Brazil nih Copa America 2019 Final an chuih lai.

Huapzau

Next Post

Dele Alli leh a bialnu Ruby Mae te an inngaizawng tha le PICTURE EXCLUSIVE

Wed Jul 3 , 2019
Football ace Dele Alli le a bialnu Ruby Mae te chu an inngaizawng tha leh Principote Panormos, Mykonos hmunah hmuh an ni. Tottenham leh England midfielder ni bawk kum 23 mi Dele Alli leh a ngaihzawng hlui Ruby Mae te […]

ads