Ramos nih tuanbia thar a ser tthan

Spain nih EURO 2020 Qualifier ah Faroa Islands an tei hnu ah Real Madrid superstar Sergio Ramos nih ram caah tuanbia thar a ser tthan.

Kan thei bantuk in Ramos nih hliam a ngeih ruang ah domestic season puai cheu khat a chuih kho lo, nain, Ningani (Friday) ah khan Spain caah a chuih khawh tthan. Spain nih Faroe Islands cu 4-1 bak in an tei hna, Goal hmasa bik khumhtu hi Sergio Ramos asi.

Real Madrid defender Sergio Ramos nih hin Spain cu voi 122 bak teinak a hmuh pi cang i, international football ah amah nak tam teinak hmu kho an um rih lo.

Ramos nih hin Legend Iker Casillas a lonh, Casillas nih hin Spain cu voi 121 teinak a hmuh pi ve.