Real Madrid chuan Cristiano Ronaldo in Manchester United a pan an remtih sak dawn.

Reports in a tarlan dan chuan Real Madrid in an attacker Ronaldo chu tun nipui transfer lo awm turah hian a duhna hmun Manchester United emaw PSG pan an remti dawn.

He Portuguese superstar hi club lakah a lungawi tawh lova, Bernabeu chhuasan vat hi a duh a ni. Ronaldo an contract thar leh a hlawh zat a phut ang pawh club hian an tih hlawhtlinsak theih lo a ni.

Messi in Barcelona a club nen inremna tha tak an neih ang hi Ronaldo chuan a duh a, amaherawhchu Real Madrid president Florentino Perez nen an inkar boruak a tha hlei thei lo, Perez hian Ronaldo an club tan kum 5 daih contract thla 14 liam ta a a lo ziah ah chuan a lungawi mai a ring a ni.

Ballon d’Or vawi 5 lai lo dawng tawh Ronaldo hi tun hnaia a che chhe em em a, club chuan tun nipui transfer lo awm turah hian a chhuah an phalsak dawn a ni tiin Yahoo Sport in a tarlang.

Club in an chhuah dawn a nih chuan pound maktaduai 88 velin a chhuah a rinawm a, hei hi Man Utd atanga an lakluh na man aiin tlemin a tam hret.

Ronaldo hi a chhuak dawn a nih chuan United hian Sanchez mai bakah an player hlui lo ni tawh Ronaldo hi Old Trafford a lakluh leh an duh ngei dawn a ni.

Hetiang tho hian PSG pawn a hlawh phut zat pek a lakluh ngei an duh dawn a, hetihrual hian Neymar leh Real Madrid pawh hi sawizawm anni reng a ni.

Next Post

Barack Obama fanu Malia Obama zong a darling pa he an i nuamh ngai: (Hmanthlak):

Sun Jan 21 , 2018
Media pawl nih Barack Obama fanu kum 19 a simi le a darling pa an […]